Saraıshyqtyń 1741 jylǵy jospary Reseıden tabyldy

ATYRAÝ. QazAqparat – Atyraý oblysyndaǵy ortaǵasyrlyq Saraıshyq qalashyǵynyń 1741 jylǵy jospary Reseı memlekettik áskerı-tarıhı arhıvinen tabyldy, dep habarlaıdy QazAqparat.

Bul týraly Atyraý oblystyq «Tarıhı jáne mádenı murany zertteý» ortalyǵynyń jetekshisi Muqambetqalı Kıpıev habarlady.

Onyń aıtýynsha, qundy qujattyń masshtaby - 50, betindegi mátinder HVІІІ ǵasyrdyń birinshi jartysynda qoldanǵan shapshań jazý úlgisimen berilgen.

«Jospar Saraıshyq qalashyǵynyń janynan bekinis salý úshin jasalǵan. Óıtkeni, Orynbor komıssııasyn basqarǵan V.Tatışev Jaıyq (Oral) qalashyǵynan tómen aýmaqty qorǵaý maqsatynda qamaldar men bekinister salýdy josparlaǵan. Oǵan áskerı polk jáne dvorıandardy tartý jobasy 1739 jyly maquldanǵan. Dál osy joba aıasynda bul jospar jasalǵan bolýy múmkin», - deıdi Muqambetqalı Kıpıev.

foto: azh.kz