Saraıshyqtaǵy qazba jumysy barysynda alǵashqy jádigerler tabyldy
ATYRAÝ. QazAqparat - Atyraý oblysynyń Mahambet aýdany Saraıshyq aýylyndaǵy kóne qala ornynda qazba jumystary bastalǵan kezde alǵashqy jádigerler tabyldy, dep habarlady «QazAqparat» HAA tilshisi.
«Biz jylytýǵa arnalǵan jaqsy saqtalǵan peshi bar úılerdiń birin qazýdy bastadyq. Alǵashqy qolǵa túsken zattar da bar - ol 18 ǵasyrdaǵy tıyndar, onyń ishinde kúmis, boıtumar, súıek pen qyshtan jasalǵan buıymdar bar», - dep habarlady Atyraý tarıhı-aımaqtyq mýzeıiniń dırektory Rashıda Harıpova.
Esterińizge sala keteıik, Uly Jibek jolynyń boıynda ornalasqan Saraıshyq qalasy «Qazaqstannyń kıeli jerleriniń geografııasy» nysandarynyń tizimine engen. «Rýhanı jańǵyrý» baǵdarlamasyn júzege asyrý barysynda murajaı bıyl qalany qazý jumystaryna kiristi. Sońǵy ret bul jerde jumystar 10 jyl buryn júrgizilgen. Arheologtar qyrkúıektiń sońyna deıin jumys jasaıdy. Saraıshyq qalasyn zertteý baǵdarlamasy kelesi jyly da jalǵasady.
