Saraylım Tarım túrik kompanııasy Qazaqstanda 5000 tonnalyq kókónis qoımasyn salady
ASTANA. KAZINFORM — Aýyl sharýashylyǵy mınıstri orynbasary Ermek Kenjehanuly «Saraylım Tarım» kompanııasynyń Basqarma Tóraǵasy Ylydja Mýstafamen kezdesý ótkizdi.
Kezdesý barysynda eki tarap ınvestıtsııalyq jobalardy iske asyrýdaǵy yntymaqtastyq múmkindikterin talqylady.
Saraylım Tarım — Túrkııa Respýblıkasynda jemis pen kókónis saqtaý salasynda jetekshi kompanııa sanalady.
Kásiporyn qoımalarynyń syıymdylyǵy — jylyna 14 myń tonna jemis-jıdek, al, óńdeý qýaty — jylyna 35 myń tonna.
Saraylım Tarım ónimderi álemniń 18 eline eksporttalady. Kompanııa qýaty 5 myń tonna kókónis qoımasyn salýǵa múddeli.
Sondaı-aq sirke sýy men kókónis konservisin óndirýdi jolǵa qoıý nıeti bar. Jobaǵa salynǵan ınvestıtsııa somasy — 15 mln AQSh dollary.
Ylydja Mýstafa joba Almaty oblysynda iske asyrylatynyn, oǵan Qazaqstandyq seriktes anyqtalǵanyn habarlady.
Óz kezeginde vıtse-mınıstr ınvestorlarǵa kórsetiletin memlekettik qoldaý, kózdelgen sýbsıdııalar, jeńildikter men preferentsııalar týraly aıtyp berdi.
«Aýyl sharýashylyǵy mınıstrligi jobany iske asyrýǵa barynsha járdem kórsetýge daıyn», — dep atap ótti Ermek Kenjehanuly.
