«Saraıda ómir súrý» - Almatydaǵy biregeı týyndylar kórmesi (FOTO)
ALMATY. QazAqparat - Búgin Almatyda Ábilhan Qasteev atyndaǵy Memlekettik óner murajaıynda «Saraıda ómir súrý» atty klassıkalyq jáne antıkvarlyq óner kórmesi ashyldy.
Kelýshiler men kollektsıonerler nazaryna 200 jýyq biregeı týyndylar usynyldy. Olardyń ishinde ımpressıonısterdiń úzdik eńbekteri, biregeı eýropalyq gobelender, shyǵystyń XVI-XIX ǵasyrlardaǵy kilemderi, antıkvarlyq jıhazdar, eýropalyq kúmis ydys-aıaqtar, mármár músinder, XX ǵasyrdyń zergerlik áshekeıleri jáne Ortalyq Azııa men Azııanyń ár túrli antıkvarlyq buıymdary bar.
Kórme patshalyq áýlettiń murageri Joǵary Mártebeli knıaz Rostıslav Romanovtyń qamqorlyǵymen jáne QR Mádenıet mınıstrligi, Almaty ákimdigi, Belgııa Koroldiginiń syrtqy ister mınıstrliginiń resmı qoldaýlarymen ótýde. Sonymen qatar, bul ıgi sharanyń ótýine osy kórmeniń Qazaqstan men Eýropanyń shyǵarmashylyq ortasynyń, «International Fine Arts Monaco» óner bıýrosynyń jáne «Kovanur» Art-qorynyń ókilderinen quralǵan Qurmetti komıteti de septigin tıgizdi.
Bul toptama talǵampaz jurtshylyqqa arnap ádeıi tańdap alynǵan. Kelýshiler eger qalasa, dál osy murajaıdyń ózinde unatqanyn satyp alýlaryna bolady.
Kórme 27 sáýirge deıin jalǵasady.
