Saratovta XIV ǵasyrdaǵy Altyn Orda qonysy tabyldy
ASTANA. QazAqparat - Saratov oblysynda arheologtar jýyrda tabylǵan Altyn Orda dáýiriniń qonysyna qazba jumystaryn bastady. TASS-qa ekspedıtsııa basshysy Dmıtrıı Kýbankın habarlaǵandaı, bul meken XIV ǵasyrdaǵy kóshpeli eldiń turaǵy bolýy múmkin.
«Altyn Orda qonysyn, onyń ishinde jaqsy saqtalǵan oryndy tabý asa sırek kezdesetin sáttilik. Іri qalalarǵa qaraǵanda mundaı mekenderdiń saqtalyp qalýy neǵaıbyl», - dedi Kýbankın.
Qazba oryndarynan XIV ǵasyr ortasyndaǵy tıyndar men ydys-aıaqtar tabyldy. Bul oryn jaqyn jerde ornalasqan iri altynordalyq Úkek qalasymen tikeleı baılanysty bolýy ábden múmkin dep sanaıdy arheologtar.
Arheologtardyń pikirinshe, Úkek qalasynyń negizi XIII ǵasyrdyń ortasynda qalandy. Ol XIV ǵasyrǵa deıin ómir súrgen. Keıinnen Ámir Temir áskeri qıratqan degen boljam bar. Qala iri qalalardyń birine jatqan. Oǵan Marko Polo men Abý-l-Fıda sııaqty saıahatshylar kelgen.
