Saratov túbindegi jol apatynan tórt qazaqstandyq kóz jumdy
ASTANA. QazAqparat - RF Saratov oblysynyń Petrov jáne Tatşev aýdandarynyń arasynda bolǵan jol apaty tórt adamnyń ómirin jalmady, dep habarlady "Interfaks-Povolje" agenttigi.
RF ІІM óńirdegi qalalyq basqarmanyń baspasóz hatshysy Dmıtrıı Rasskazovtyń habarlaýynsha, jol-kólik apaty beısenbi kúni Máskeý ýaqytymen tańǵy 8-de bolǵan. Aldyn ala málimetter boıynsha, salonynda tórt adam otyrǵan «Ford» avtokóligi joǵary jyldamdyqpen MAN júk kóligine soǵysqan. Jeńil kóliktegi tórt jolaýshy da sol mezette qaza tapty.
Oqıǵa ornyna qalalyq ІІB jetekshiligi baryp, mán-jaıyn anyqtaýda.
Jeńil kóliktegi tórt jolaýshynyń Qazaqstan azamattary ekenin quqyq qorǵaý organdary rastady.
