Saratov oblysyndaǵy jol apatynda qaza tapqandardyń beseýi Qyrǵyzstan azamattary bolyp shyqty
ASTANA. QazAqparat - Qyrǵyzstannyń bes azamaty Nıjnıı Novgorod - Saratov tas jolyndaǵy jol-kólik apatynda qaza tapty, dep habarlady "Interfakske" jeksenbi kúni Qyrǵyzstan tótenshe jaǵdaılar mınıstriniń baspasóz qyzmeti.
Baspasóz qyzmeti ókilderiniń aıtýynsha, jeksenbi kúni túnde saǵat 04:30-da Saratov oblysynyń Petrovskıı aýdanynda Nıjnıı Novgorod-Saratov tas jolynyń 547-shi shaqyrymynda Volvo júk kóligi men Toyota jeńil kóligi soqtyǵysqan.
«Aldyn ala derekter boıynsha, jol-kólik apaty saldarynan Qyrǵyzstannyń bes azamaty qaza tapty. Qaıtys bolǵandar anyqtalýda», - dep qosty baspasóz qyzmetinde.
