Saratov oblysynda sona shaqqan baǵban qaıtys boldy
ASTANA. Qyrkúıektiń 10-y. QazAqparat - Saratov oblysynda sona shaqqan baǵban qaıtys boldy. Bul týraly RF prokýratýrasy janyndaǵy Saratov oblysy boıynsha Tergeý komıteti tergeý basqarmasynyń baspasóz qyzmeti habarlady, dep jazady RBK.
Aımaqtyń Atkar aýdanynyń turǵyny óz aýlasynda úı sharýashylyǵyn oryndaı júrip, sona uıasyn buzǵan. Ashýly sonalardyń jabyla shaǵýy saldarynan álgi adam aldymen esinen tanǵan, der kezinde kórsetilgen medıtsınalyq kómekke qaramastan, zardap shegýshi baqılyq bolǵan. Sot-medıtsınalyq saraptaý materıaldaryna sáıkes, ajal álgi azamatty anafılaktıkalyq esten aırylýdan keıin alǵan.
Osy fakti boıynsha tergeý organdary tekserý júrgizýde.
