Saratov-Hýdjand poıyzynyń jumysshysy 300 kılá balyqty zańsyz alyp ótpekshi bolǵan
ASTANA. 10 qarasha. QazAqparat - Keshe Atyraýlyq tártip saqshylary jolaýshylar poıyzy arqyly 300 kelá balyq alyp ótpek bolǵan Tájikstan azamatyn ustady.
Qalalyq Іshki ister departamentiniń baspasóz qyzmeti taratqan málimetterge qaraǵanda, balyqtardy tártip saqshylary «Brakoner» jedel-aldyn alý sharasy barysynda saǵat 18-00 shamasynda Saratov-Hýdjand baǵytynda ketip bara jatqan №336 jolaýshylar poıyzynyń №9 akkýmýlıator bóliginen tapqan. Keıin bul balyqtardyń Tájikstan Respýblıkasynyń Hıstevarsk qalasynyń turǵyny, «Jolaýshylar tasymaly» poıyzynyń elektr burǵylaýshysyna tıesili ekeni anyqtaldy. Qazir polıtseıler qosymsha tekserý jumystaryn júrgizýde.
