Saratov – Almaty jolaýshylar poıyzynda qos dóńgelek relsten shyqty
AQTÓBE. KAZINFORM – Oqıǵa Shıeli – Túrkistan arasynda boldy. Jolaýshylardy tasymaldaýǵa qosymsha poıyz jiberildi.
«Jolaýshylar tasymaly» AQ baspasóz qyzmetiniń habarlaýynsha, bul oqıǵa búgin saǵat 12:49-da tirkeldi. №7/8 Saratov – Almaty baǵytyndaǵy jolaýshylar poıyzy Shıeli – Túrkistan arasynda shuǵyl toqtady. Sebebi poıyzdyń bir vagonynda dóńgelegi relsten shyǵyp ketti.
- Jolaýshylarǵa medıtsınalyq kómek barǵanymen bári de bas tartty. Al poıyzdyń vagonyn qalpyna keltirý úshin jóndeý toby jedel jiberildi. Jolaýshylardy tasymaldaýǵa qosymsha poıyz jiberildi. Olardy otyrǵyzý, jóneltý jumysy jedel uıymdastyryldy. Tasymaldaýshy kompanııa qolaısyzdyq úshin keshirim suraıdy,- dep habarlady «Jolaýshylar tasymaly» AQ baspasóz qyzmeti.
Aıta keteıik, búgin Premer-mınıstr QTJ-nyń aldyndaǵy basty mindetterdiń birin atady. Eýrazııa keńistiginde kólik-logıstıkalyq habqa aınalý úshin temirjol ınfraqurylymyn damytýdyń kelesi kezeńine daıyndalý qajet.
