Saraptaý-taldaý qyzmetin júrgizetin myqty ortalyqtar jelisi qajet – Toqaev

ASTANA. QazAqparat – Bizge saraptaý-taldaý qyzmetin tıimdi júrgizetin myqty ortalyqtar jelisi qajet. Túrkistanda ótip jatqan Ulttyq quryltaıda Prezıdent Qasym-Jomart Toqaev osyndaı bastama kóterdi, dep habarlaıdy QazAqparat tilshisi.

«Bizge saraptaý-taldaý qyzmetin tıimdi júrgizetin myqty ortalyqtar jelisi qajet. Bul qurylymdar sapaly ári suranysqa ıe ıntellektýaldy ónim usynýǵa tıis. Elimiz ıdeologııalyq derbestigin saqtaý úshin munyń aıryqsha mán-mańyzy bar. Saraptama ortalyqtary elimiz egemendik kezeńinde júrip ótken joldyń ár baǵytyn zertteýge tıis. Kemshilikterdiń sebep-saldaryn anyqtaý qajet. Úkimet jańa jospar jasaǵanda osy faktorlar eskerilýi kerek. Ǵylym men zertteýge negizdelgen saıasat tabysty bolady», - dep usynys bildirdi Qasym-Jomart Toqaev.