Saraptama Rýdnyıda kóz jumǵan 6 jasar egiz balalardyń ýlanǵanyn rastady

QOSTANAI. QazAqparat - Rýdnyıda aǵaıyndy eki búldirshinniń ólimine qatysty sot-medıtsınalyq saraptamanyń qorytyndysy belgili boldy, dep habarlaıdy QazAqparat tilshisi.

«Rýdnyıda balalar ólimi faktisi boıynsha sot-medıtsınalyq saraptama júrgizilip, balalardyń ýlaný faktisi rastaldy. Tergeý aıasynda taǵy bir saraptama taǵaıyndaldy, ol tergeý barysynda sarapshyǵa qoıylǵan suraqtarǵa jaýap berýi tıis», - dep habarlady Qostanaı oblysy polıtsııa departamentiniń baspasóz qyzmeti.

Buǵan deıin QazAqparat Rýdnyıda alty jasar aǵaıyndylardyń aýrýhanadan shyqqan soń kenetten qaıtys bolǵanyn habarlaǵan bolatyn.

Keıinnen rýdnyılyq eki aǵaıyndynyń ólimine polıtseıler túsinikteme berip, toksıkologııalyq saraptama taǵaıyndaldy.