Saraptama qyzmetine qatysty zańǵa ózgerister engizýdi qarastyratyn qujat birinshi oqylymda maquldandy
ASTANA. Qyrkúıektiń 16-sy. QazAqparat /Aıdar Ospanálıev/ - Parlament Senatynyń jalpy otyrysynda depýtattar «Qazaqstan Respýblıkasynyń keıbir zańnamalyq aktilerine «sot-saraptama qyzmeti máseleleri boıynsha ózgerister men tolyqtyrýlar engizý týraly zań jobasyn birinshi oqylymda maquldady,
dep habarlaıdy QazAqparat.
Atalmysh qujat sot-saraptama qyzmeti týraly zańnamany odan ári jetildirýge baǵyttalǵan. Zań jobasynda sarapshynyń, sot-saraptama organy basshysynyń jáne saraptama júrgizýge qatysýshylardyń is júrgizýshilik quqyqtary men mindetteri naqtylanady. Onda sonymen qatar sarapshylardan bas tartý, ártúrli saraptama túrlerin júrgizý sharttary, dáleldeý protsesinde ǵylymı-tehnıkalyq quraldardy paıdalaný máseleleri jáne ózge de jáıtter reglamentteledi.
Zań jobasy kúshine ense, Qylmystyq is júrgizý jáne Azamattyq is júrgizý kodeksteri men Ákimshilik quqyq buzýshylyq týraly kodeksine, sondaı-aq «Densaýlyq saqtaý júıesi týraly», «Lıtsenzııalaý týraly» sııaqty Qazaqstan Respýblıkasynyń ózge de birqatar zańdaryna ózgerister men tolyqtyrýlar engiziledi.
