Sarapshylyq keńes otyrysynda N. Nazarbaevtyń «Ult jospary - 100 naqty qadamyn» júzege asyrý máselesi talqylandy
Sarapshylyq keńes otyrysyna jetekshi qazaqstandyq sarapshylar, atap aıtqanda, A. Sarym, B. Baıqadamov, R. Qadyrjanov, Á. Káýkenov, B. Nurmuhamedov, E. Saıyrov, A. Sádýaqasova, B. Raqysheva, J. Júnisova qatysty.
Otyrys barysynda sarapshylar el Prezıdenti Nursultan Nazarbaev usynǵan 5 ınstıtýtsıonaldyq reforma aıasyndaǵy «Ult jospary - 100 naqty qadamdy» júzege asyrý máselesi boıynsha túrli pikirleri men usynystaryn bildirdi.
Osy kúni Memleket basshysynyń 5 ınstıtýtsıonaldyq reformasyn júzege asyrý jónindegi «Ult jospary 100 naqty qadam» jobasy boıynsha sarapshylyq tobynyń músheleri elimizdiń óńirlerinde boldy.
Sarapshylar toby jumysynyń negizgi maqsaty - N.Nazarbaevtyń «Ult jospary - 100 naqty qadamyndaǵy» «birtektilik pen birlik» tórtinshi baǵytyn talqylaý.
Sarapshylar tobynyń quramyna QR Prezıdenti Ákimshiliginiń ókilderi, áleýmettik blok mınıstrlikteri komıtetteriniń tóraǵalary kirdi.
Ońtústik Qazaqstan oblysynda QR Mádenıet jáne sport vıtse-mınıstri M. Ázilhanov ǵylymı-saraptamalyq qaýymdastyqpen, etno-mádenı birlestiktermen, partııa uıymdarymen, professorlyq-oqytýshylyq qurammen, óńir jastarymen kezdesti.
Ult josparynyń tórtinshi baǵyty aıasyndaǵy kezdesýdi QR Mádenıet jáne sport mınıstrligi Din isteri komıtetiniń tóraǵasy Ǵ. Shoıkın de júrgizdi. Kezdesý H. Dosmuhamedov atyndaǵy Atyraý memlekettik ýnıversıtetinde ótti. Oǵan oqý ornynyń professorlyq-oqytýshylyq quramy, ǵylym salasyndaǵy zııaly qaýym, oqýshylar men oblystyń belsendi jastary qatysty.
Almaty qalasynda Prezıdent Ákimshiligi Іshki saıasat bóliminiń meńgerýshisi - Memleket basshysynyń bes ınstıtýtsıonaldyq reformalaryn iske asyrý boıynsha 100 naqty qadam atty Ult josparynyń sarapshylar tobynyń múshesi A.Ǵ. Balaevanyń qalanyń shyǵarmashylyq odaqtarymen, úkimettik emes uıymdarmen, etnomádenı birlestiktermen kezdesýi ótti.
Óz sózinde Aıda Balaeva barlyq salany (mádenıet, din, BAQ, memlekettik rámizder, QHA, ÚEU, bilim berý, sport) qamtıtyn egjeı-tegjeıli jol kartasy ázirlenip jatqanyn atap ótti.
«Búgingi kúni qazaqstandyq qoǵamdy jańǵyrtý jónindegi Memleket basshysynyń tapsyrmalaryn oryndaý úshin jumys jasaýymyz qajet. ÚEU, ǵylymı-shyǵarmashylyq zııaly qaýym tarapynyń bar áleýetin jumyldyryp, QHA qyzmetin, birlik pen birtektilikti nyǵaıtý, «úlken el - úlken otbasy» jobasyn iske asyrý, óńirlik mádenı-týrıstik klasterler qurý, Ult josparynda qoıylǵan mindetterdi eskere otyryp, Mádenı saıasat tujyrymdamasyna tolyqtyrýlar engizý máseleleri boıynsha jumysqa belsendi qatysý qajet», - dep atap ótti A. Balaeva.
Óz sózinde sarapshylar toptarynyń músheleri Ult jospary basymdyqtarynyń mańyzyn, ony iske asyrýdyń negizgi tásilderin ashyp kórsetti.
Sarapshylyq tobynyń jumys qorytyndysy boıynsha «Birtektilik jáne birlik» baǵyty aıasynda naqty qadamdardy iske asyrý máseleleri boıynsha usynystar bir izge túsirilip, júıelendi.
