Sarapshylar smartfondardyń adam ómirin qanshalyqty «qysqartatynyn» eseptedi
ASTANA. QazAqparat - Júrgizilgen zertteý barysynda sarapshylar smartfondardyń adam ómirin qanshalyqty «qysqartatynyn» eseptedi. Paıdalanýshylar jylyna ortasha alǵanda 49 kúnin gadjettermen ótkizetini belgili boldy. Sondaı-aq sarapshylar smartfon ıeleri óziniń mobıldi jabdyqtarynyń ekranyna kúnine úsh saǵattan astam úńiletinin anyqtady, dep jazady planet-today.ru.
Avstralııa aýmaǵynda ótken tájirıbege 16-30 jas aralyǵyndaǵy jastar óz erkimen qatysty. Ǵalymdar eger adam 16 jasynan smartfondardy paıdalana bastasa, ómir uzaqtyǵy 80 jyldy quraǵan jaǵdaıda, ómiriniń kem degende segiz jylyn gadjetpen ótkizetinin anyqtady. Tájirıbe kórsetkendeı, ortasha statıstıkalyq paıdalanýshylar kúnine smartfon ekranyna shamamen 150 ret qaraıdy eken. Paıdalanýshylardyń 63 paıyzy óziniń áleýmettik jelilerdegi paraqshalaryn qarasa, «smartfonǵa táýeldilerdiń» shamamen 50 paıyzy vıdeorolıkterdi tamashalaıdy. Gadjet ıeleriniń kóbi smartfondarynda ornatylǵan 70 qosymshanyń kóp degende 10-yn paıdalanady eken.
