Sarapshylar otandyq týrıstik kompanııalardyń qyzmetine yqpal etetin mańyzdy oqıǵalardy anyqtady
ASTANA. QazAqparat - Qazaqstandaǵy kirme týrızm búginde basym segment bolyp tabylady, sebebi ol elimizge kelýshi týrısterden ótem balansyn tolyqtyratyn tikeleı valıýtalyq túsimniń eń tıimdi formasy bolyp otyr.
Bul týraly Investıtsııalar jáne damý mınıstrliginiń baspasóz qyzmeti habarlady.
Orta merzimdi jáne uzaq merzimdi perspektıvada ishki týrızmdi damytý men týrıstik qyzmet kórsetý jóninde otandyq usynystarmen qanyqtyrý eń ózekti bolyp otyr jáne basqa elderge saıahatty birshama almastyrý qyzmetin atqara alady.
Sabre Central Asia kompanııasy QR IDM Týrızm ındýstrııasy departamentimen birlesip V Halyqaralyq Konferentsııa jáne Sabre Korporatıvtik Saıahattar, SCTC 2015 mereıtoılyq kórmesi qarsańynda marketıngtik zertteý barysynda týrıstik rynoktyń ahýalyn saralaǵan bolatyn. Monıtorıngtiń maqsaty týrızm ındýstrııasynyń sheteldik jáne otandyq sarapshylarynyń pikirin taldaý, sonymen birge Qazaqstannyń týrıstik salasynyń aǵymdaǵy jaǵdaıyn, damý perspektıvasyn baǵalaý boldy.
Zertteý barysynda Qazaqstanda syrtqa shyǵatyn týrızm kóp jyldan beri týrıstik kompanııalardyń kiris qurylymynda ústem bolyp kelgendigi aıqyndaldy.
Zertteýge 80 otandyq jáne sheteldik kompanııany ńókilderi qatysty, onyń 18-i týrıstik agenttikter, 14-i týroperatorlar, 8-i memlekettik jáne qoǵamdyq uıymdar, 8-i qonaqúıler, 4-i avıatasymaldaýshylar, 28-i BAQ, oqý oryndary jáne t.b.
Saýalnamaǵa qatysqan sarapshylar Qazaqstannyń týrıstik rynogyna tán óskeleń trendterin jáne qysqa merzimdi jáne orta merzimdi perspektıvada kompanııalardyń qyzmetine yqpal jasaı alatyn oqıǵalardy atap ótti. Eń tartymdy boljamdardyń reıtıngi bylaı bolyp shyqty:
Respondentterdiń 32 %-y mega-oqıǵalardyń jáne MICE segmenttiń damý múmkindikterin atap ótti. Mysaly, Astana Expo 2017 kórmesi men Almatydaǵy Dúnıejúzilik Ýnıversıada ataldy.
Jaýaptardyń 23%-y rynok ókilderiniń qyzmet kórsetýin onlaın brondaýmen satýdyń dástúrli kanaldaryn ózgertýdi kútetinderdiń jáne klıentterdiń týrıstik qyzmet kórsetýdi izdestirý men satyp alýda gadjetter men mobıldi tehnologııalardyń paıdalanýdy táýir kóretinderdiń ósýin, sonymen birge tehnologııalardy paıdalaný jáne týrızmde úderisterdi avtomattandyrý esebinen ónimdiliginiń odan ári ósýin kútetinderdiń úlesine tıdi.
