Sarapshylar óńirlerdegi aýyl ákimderiniń tikeleı saılaýyn ótkizý barysyn talqylady
Іs-sharaǵa UQSK músheleri, belgili qazaqstandyq saıasattanýshylar men áleýmettanýshylar qatysty. Basqosýdy QR Prezıdentiniń kómekshisi, Ulttyq keńes hatshysy Erlan Karın ashty.
Aýyl ákimderiniń tikeleı saılaýyn ótkizý týraly bastama alǵash ret Prezıdent Q.K. Toqaevtyń 2020 jylǵy Qazaqstan halqyna Joldaýynda kóterilgen bolatyn. Bul bastamany iske asyrý maqsatynda 2021 jylǵy mamyrda 2 tıisti zań qabyldanǵan edi. Atap aıtqanda, «Qazaqstan Respýblıkasyndaǵy saılaý týraly» QR Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zańy jáne «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» QR zańy.
Osy oraıda Prezıdenttiń kómekshisi Erlan Karın «qazirgi tańda 811 aýyldyq okrýgte ákimderdiń tikeleı saılaýy ótkizilgendigin, bul saılaý saılaýshylar arasynda, sonymen birge saılaý naýqanynda asa belsendilik tanytqan saıası partııalar arasynda da aıtarlyqtaı joǵary qyzyǵýshylyq týdyrǵanyn atap ótti. Nátıjesinde saılanǵan ákimderdiń 86% saıası partııalardan usynylǵan úmitkerler qurady. 14% – ózin-ózi usynǵan úmitkerler. Sonymen qatar, saılanǵan ákimderdiń jartysy (51%) saılaýǵa deıin bul qyzmetterdi atqarmaǵan jańa adamdar.
Talqylaý barysynda «Strategııa» áleýmettik-saıası zertteýler ortalyǵy» qoǵamdyq qorynyń jetekshisi Gúlmıra Ileýova Roza Lıýksembýrg qory úshin daıyndalǵan «Jergilikti saılaýda tikeleı daýys berýdiń táýekelderi men múmkindikteri» zertteýiniń nátıjelerimen tanystyrdy. Zertteýde aýyldyq jerlerdegi ekonomıkalyq jaǵdaı, jergilikti qaýymdastyqtyń erekshelikteri, aýyl turǵyndarynyń saıası reformalarǵa qyzyǵýshylyǵy jáne olardyń elektoraldyq minez-qulqy kórsetilgen.
Sondaı-aq, UQSK jáne Prezıdenttik jastar kadrlyq rezerviniń birlesken zertteý tobynyń jetekshisi Aleksandr Danılov 4 oblystyń (Pavlodar, Qostanaı, Túrkistan jáne Shyǵys Qazaqstan) aýyl ákimderiniń saılaýy ótken aýyldyq okrýgterine barý negizinde daıyndalǵan taldamalyq baıandamany usyndy. Ol óz sózinde aýyldyq okrýg ákimin tikeleı saılaýyna baılanysty aýyl turǵyndarynyń jalpy pikiri jaqsy ekenine nazar aýdardy.
Aıta ketken jón, budan buryn Mańǵystaý, Soltústik Qazaqstan jáne Qaraǵandy oblystarynda UQSK músheleriniń kóshpeli otyrystary aıasynda aýyl ákimderiniń tikeleı saılaýyna daıyndyq barysy men aýyldardy damytý máseleleri talqylanǵan bolatyn.
Talqylaý qorytyndysy boıynsha mamandar aýyl ákimderin tikeleı saılaý tetigin jetildirý boıynsha birqatar usynystar berdi.
Ulttyq qoǵamdyq senim keńesiniń aldaǵy altynshy otyrysynda da aýyl ákimderi saılaýynyń jalpylama qorytyndylary shyǵarylady.
