Sarapshylar Mınskide 2017 jyldy TMD-daǵy Otan qorǵaýshylar jyly dep jarııalaý máselesin talqylamaq
ASTANA. 31 tamyz. QazAqparat - 3-5 qyrkúıekte Mınskide Qorǵanys salasyndaǵy yntymaqtastyqqa qatysty qujat jobalaryn kelisý jónindegi saraptama tobynyń otyrysy , dep habarlaıdy BELTA.
Otyrys kezinde sarapshylar úsh qujatty qarastyrady dep josparlanýda. Olardyń arasynda 2017 jyldy TMD-daǵy Otan qorǵaýshylar jyly dep jarııalaý týraly sheshimniń jobasy bar. "Sońǵy birneshe jyl kóleminde TMD-da ár jyldy ortaq tarıhtyń mańyzdy oqıǵalaryna, memleketterdiń ómir súrý áreketiniń túrli salalaryna arnaý dástúri qalyptasty. Ulttyq jáne TMD-ǵa múshe-memleketterdiń ortaq qaýipsizdigin qamtamasyz etýdegi eńbektiń joǵary áleýmettik mańyzdylyǵyn eskere otyryp, 2017 jyldy Dostastyqta Otan qorǵaýshylar jyly dep jarııalaý usynylady", - dep atap aıtty TMD Atqarý komıtetinde.
Sonymen qatar, otyrys kezinde sarapshylardyń gýmanıtarlyq mınasyzdandyrý salasyndaǵy Dostastyq elderi qarýly kúshteri ınjenerlik áskerleriniń yntymaqtastyǵy týraly, sondaı-aq, TMD-ǵa múshe-memleketterdiń qarýly kúshterin topogeodezııalyq jáne navıgatsııalyq qamtamasyz etý salasyndaǵy yntymaqtastyq týraly jobalar talqyǵa salynbaq.
