Sarapshylar Mańǵystaýda qolǵa alýdy qajet etetin basty máseleler týraly aıtty
AQTAÝ. QazAqparat - Mańǵystaý oblysynda qandaı salalardy damytý kerek. Osyndaı saýalǵa jaýap tabý maqsatymen jýyrda Astanadan arnaıy kelgen sarapshylar aımaqtyń áleýmettik-ekonomıkalyq damý kórsetkishterine saraptama jasap, monıtorıng júrgizgen edi, dep habarlaıdy QazAqparat tilshisi.
Monıtorıng nátıjelerine súıene otyryp mamandar aımaqta damytýdy qajet etetin basty basym baǵyttardy aıqyndady. ıAǵnı óńirde birinshi kezekte óndiris, agroónerkásip kesheni, týrızm, kólik jáne logıstıka, shaǵyn bıznes salalaryna basymdyq bergen jón.
Halyqtyń ómir súrý sapasyn arttyrý úshin aýyzsý, ekologııa, bilim berý jáne densaýlyq saqtaý sııaqty salalardaǵy qalyptasqan máselelerdi sheshý qajet. Óńirlik basqarý júıesin jańǵyrtý, ıaǵnı ákimdikterdi transformatsııalaý, SmartCity jáne qyzmetterdi tsıfrlandyrý mańyzdy.
«Mańǵystaý oblysy respýblıkada negizgi kapıtalǵa salynǵan qarajat boıynsha 9-shy orynda tur. Endi ınvestıtsııa tartý isine belsene kirisken jón. Sonymen qatar, týrızmdi damytýǵa kúsh salý qajet»,-deıdi konsaltıngtik kompanııanyń taldaýshysy Oljas Qudaıbergenov.
Sarapshylardyń pikirinshe, munaı-gaz salasy óńir ekonomıkasynda mańyzdy ról atqarady. Sondyqtan negizgi kúsh shıkizattyq emes salalardyń úlesin arttyrýǵa baǵyttalýy tıis. Olar: óńdeý ónerkásibi, agrobıznes, týrızm, kólik-logıstıka jáne shaǵyn bıznes. Óńirde aýyl sharýashylyǵy salasyn damytýǵa da mol múmkindik bar», - deıdi sarapshylar.
Sonymen qatar, astanalyq qonaqtar «Smart Sıtı» jobasy týraly aıtty. Bul qıyn ári erekshe jobany tolyq júzege asyrý úshin 2-3 jyl kerek eken. «Smart Sıtı» boıynsha ázirge Astana men Almaty qalalary ǵana alda keledi.
«Ázirge oblystar boıynsha bul máselede erekshelengen aımaqtar joq. Aqtaý qalasynda halyq sany az. Bul óz kezeginde túrli máselelerdi sheshýde mobıldi bolýǵa kómektesedi. Eger Aqtaý qalasy osy «Smart Sıtı» jobasyn júzege asyrsa, oblystar arasynda birinshi bolady»,-dedi Oljas Qudaıbergenov.
Óńir basshysy Eraly Toǵjanov monıtorıng nátıjelerine sáıkes belgili bir problemalyq máselelerdiń sheshimin qamtamasyz etý úshin tıisti organdardyń basshylaryna birqatar tapsyrma berdi.
