Sarapshylar kimge baǵa qoıyp otyrǵandaryn bilgen joq - Anar Jaılǵanova

NUR-SULTAN. QazAqparat - Prezıdenttik jastar kadr rezervine irikteý onlaın ótip, eshqandaı yqpal etý bolǵan emes. Bul týraly Ortalyq kommýnıkatsııalar qyzmetinde jýrnalıstermen bolǵan brıfıngte QR Memlekettik qyzmet isteri agenttiginiń tóraǵasy Anar Jaılǵanova aıtty, dep habarlaıdy QazAqparat tilshisi.

«Іrikteýdiń ashyqtyǵyna keletin bolsaq, ony birinshi kezeńnen bastap onlaın formatta ótkizdik. Ol degenimiz - barlyq test onlaın formatta ótedi degen sóz, ıaǵnı oǵan eshkim eshqandaı yqpal ete almaıdy», - deıdi Anar Jaılǵanova.

Ol iriktelgen 300 adamnyń ishinde kvazımemlekettik sektordyń jaýapty laýazymdaryna rezervtegilerden bólek memlekettik qyzmetkerler de kirgenin aıtty.

«Al iriktelgenderdiń ishinde ne sebepti memlekettik qyzmetshiler bolǵany týraly aıtyp ótsek, bizdiń qoıǵan talaptar qarapaıym boldy. Ol 35 jasqa deıingi, joǵary bilimi bar QR azamaty bolýy kerek. Sondaı-aq, kem degende 5 jyl jumys ótili bolýy qajet. Sondyqtan osy talapqa saı bolǵan qatysqysy keletin adamdardyń bári qatysty. Konstıtýtsııamyz boıynsha basqa talaptar boıynsha qatystyrmaı qoıyp, quqyǵyn shekteýge quqymyz joq. Odan keıingi esse jazý, jobalardy kórsetý sııaqty kezeńder de onlaın formatta ótti. Sarapshylardyń ózderi de kimge baǵa qoıyp otyrǵandaryn bilgen joq, sebebi qatysýshydardyń aty-jónderi kodpen turdy. Bir jobany qaraǵan úsh sarapshy da birin-biri tanymaıdy jáne esse men jobaǵa óz baǵalaryn berip otyrdy. Onyń nátıjesi birden bazaǵa ketip otyrdy, bazaǵa ketken esepte eshkim ózgerte almaıdy», - deıdi ol.

Eske sala ketsek, Prezıdenttik jastar kadr reşervine irikteý bıyl qyrkúıek aıynda bastaldy.