Sarapshylar Qazaqstannyń ishki ister salasyn jańǵyrtý sharalaryn oń baǵalady
NUR-SULTAN.QazAqparat- QR Іshki ister mınıstrliginde quqyq qorǵaý organdaryn reformalaý salasyndaǵy sheteldik tabysty tájirıbeni talqylaý boıynsha halyqaralyq sarapshylarmen kezdesý ótti, dep habarlady QazAqparat tilshisi atalǵan vedomstvoǵa silteme jasap.
«Aǵymdaǵy jyldyń 4-5 sáýirinde Іshki ister mınıstrliginde 2019-2021 jyldarǵa arnalǵan ishki ister organdaryn jańǵyrtý jónindegi jol kartasyn iske asyrý aıasynda quqyq qorǵaý organdaryn reformalaý salasyndaǵy sheteldik tabysty tájirıbeni talqylaý boıynsha halyqaralyq sarapshylarmen kezdesý ótti. Sharaǵa Grýzııadaǵy polıtsııa júıesin reformalaýǵa belsendi qatysqan sol eldiń burynǵy ishkiister mınıstri qatysty. Interavtıvti formatta ótken kezdesýdi QR Іshki ister mınıstriniń orynbasary Alekseı Kalaıchıdı ashyp, sheteldik aldyńǵy qatarly tájirıbeni jan-jaqty zerdeleý jumystarynyń mańyzdylyǵyna toqtaldy», - delingen taratylǵan aqparatta.
Kezdesýge ІІM-ge qarasty qyzmetterdiń basshylary men ókilderi qatysty. Sonymen qatar, sharaǵa QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary men otandyq bedeldi sarapshylar arnaıy shaqyrylǵan.
«Kezdesý barysynda sheteldik sarapshylar Qazaqstandaǵy ishki ister organdaryna júrgizilip jatqan jańǵyrtý sharalaryna oń baǵa berdi», - dep atap ótedi mınıstrlikten.
