Sarapshylar Qazaqstandaǵy ınflıatsııaǵa syrtqy faktorlar yqpal etetinin aıtady - Toqaev

ASTANA. QazAqparat – Sarapshylar Qazaqstandaǵy ınflıatsııaǵa syrtqy faktorlar yqpal etetinin aıtyp otyr. Bul týraly Memleket basshysy Qasym-Jomart Toqaev elde tirkelgen sheteldik dıplomatııalyq mıssııalardyń basshylarymen dástúrli kezdesýinde aıtty, dep habarlaıdy QazAqparat Aqordaǵa silteme jasap.

Prezıdent Qazaqstannyń óńirlik jáne jahandyq azyq-túlik qaýipsizdigin qamtamasyz etýge qosqan úlesine arnaıy toqtaldy. Sonymen qatar, saýda-ekonomıkalyq yntymaqtastyq perspektıvalaryna nazar aýdaryp, elimizdiń agrarlyq, óndiristik sektor, energetıka, «jasyl» qarjy salalaryndaǵy áleýeti zor ekenin atap ótti.

«

Biz jyl saıyn 5 mln tonnadan astam bıdaı men 1,5 mln tonna un eksporttaımyz. Álemniń eń iri on astyq eksporttaýshy elder qataryna kiremiz. Qazaqstan – zyǵyr tuqymyn iri óndirýshilerdiń jáne maıly daqyl eksporttaýshylardyń biri. Sonymen qatar, bizdi sheteldik azyq-túlik ımportynyń joǵary deńgeıi alańdatady. Bul ınflıatsııanyń ósýine alyp keledi. Sarapshylar Qazaqstandaǵy ınflıatsııaǵa syrtqy faktorlar yqpal etetinin aıtyp otyr

», - dedi Memleket basshysy.