Sarapshylar Golovkınge «Kanelony» jyldam jeńýdiń qupııasyn aıtty

ASTANA. QazAqparat - Boxingnews24.com jýrnalısi Allan Foks Golovkınge qarsy jekpe-jek aldynda meksıkalyq boksshy Saýl Alvaresti gepardqa teńedi, dep habarlaıdy Sports.kz.

«Kanelo» Golovkınmen uzaq shabýyldar arqyly aıqasa almaıdy. Óıtkeni mundaıda meılinshe tózimdi ári qýatty GGG jeńedi. «Kanelo» Golovkınnen toǵyz jas kishi, biraq onyń kardıojúıesi nashar. «Kanelo» uzaq ýaqyt boıy qarqyndy aıqasqa shydamaıdy. Onyń ádisi - qysqa merzimdi shabýyldar, sodan keıin uzaq ýaqyt tynystap alýy qajet. «Kanelo» gepardqa uqsaıdy. Mysyq tuqymdasyna jatatyn janýar da qysqa ýaqytta bar jyldamdyǵymen júgiredi, biraq sodan keıin áli bitedi. Olardyń demalýy qajet. Eger Golovkın gepard tárizdi «Kanelonyń» demalýyna mursha bermese, jekpe-jek erte aıaqtalady», - dep jazady Foks.