Sarapshylar: Elbasy maqalasy - ulttyq sanaǵa serpin beretin qural
Ata-baba tarıhy urpaqqa jiber, rýh beredi. Ári «Uly dalanyń jeti qyry» maqalasynda kórsetilgendeı, qazaq dalasy arqyly álemge taraǵan urpaq úshin de ortaq tarıh jazylatyn kez keldi. Máselen, ótken jyly Qazaqstan Majarstandaǵy ǵun quryltaıynda boldy. Vengrler óz tarıhyn Altaımen baılanystyrady. Sondyqtan halyqaralyq jobaǵa álem ǵalymdary qyzyǵýshylyq tanytyp otyr.
«Elbasy Nursultan Nazarbaevtyń maqalasyna shetel qyzyǵyp otyr. Halyqaralyq túrik akademııasy maqalany 12 tilge aýdardy. Búgin Mońǵolııanyń eń úlken gazeti kóshirip basqanyn bilip otyrmyz. Bul óte sırek jaǵdaı. Bir memleket basshysynyń maqalasyn ózge memlekettiń resmı gazetteri kóshirip baspaıdy. ıAǵnı, Elbasy maqalasy Altaıdan tamyr tartatyn barsha halyq úshin zor serpilis týǵyzǵanyn kórýge bolady. Uly dala tarıhy, Uly dala órkenıeti kóp jaǵdaıda aıtylmaıtyn.
Myńjyldyqtarǵa úńiletin bolsaq, Qytaı, Mysyr, Úndistan, Iran, Batys elderi sııaqty Qazaqstanda da uly dala órkenıeti de bar. Bul týraly Elbasy naqty, taıǵa tańba basqandaı, ǵylymı derektermen jazyp kórsetti», - dedi «Egemen Qazaqstan» Respýblıkalyq gazeti» AQ Basqarma tóraǵasy Darhan Qydyráli.
Kezdesý kezinde «Qasıetti Qazaqstan» ǵylymı-zertteý ortalyǵynyń dırektory Berik Ábdiǵalı ǵun dáýirine nazar aýdarýdy usyndy.
«Vengrler Qazaqstanǵa jıi keledi. Olardyń DNQ-sy bizben bir bolyp tur. Ony antropologııa ǵylymy dáleldep otyr. Arheologııa ǵundardyń qonystanǵanyn, memleketi bolǵanyn dáleldep berdi. Biz saq, ǵun, oǵyz, ejelgi túrki memleketteriniń murageri retinde ózimizdi tanyta bilýimiz kerek. Qur maqtaný emes, ǵylymı dáleldengen jumys», - dedi Berik Ábdiǵalı.
Ári oqýshylar men stýdentterdiń kıeli jerlerdi aralaýyna, batys pen shyǵysty, ortalyq pen ońtústik, soltústikti tanýyna yqpal etýdi surady.
Óńir basshysy Berdibek Saparbaev qazaq tarıhy 30 órkenıeti damyǵan eldiń qataryna enýi qajet degen oıyn jetkizdi.
«Sońǵy 4-5 ǵasyrdy emes, ári qaraı úńilý kerek. Sol kezde 30 ekonomıkalyq damyǵan memleketter qataryna ǵana emes, 30 órkenıeti damyǵan eldiń qataryna enýimiz kerek. Bul Elbasy eń negizgi maqsatynyń biri osy», - dedi oblys ákimi B.Saparbaev.
«QazAqparat» halyqaralyq aqparat agenttiginiń bas dırektory Asqar Ýmarov Aqtóbedegi «Anaǵa taǵzym» ortalyǵynyń mańyzdylyǵyna toqtaldy. Ortalyq qyrkúıekte ashylyp, qoldanysqa berildi. Halyq qarjysyna salynǵan ortalyqta qyz-kelinshekter tárbıesine zor kóńil bólingen.
«Memleketimizge 27 jyl. Elbasy sol jyldar ishinde ultty saqtap, qurý úshin aýqymdy is atqardy. Osy ýaqyt aralyǵynda óz-ózimizdi tanyp, bile bastadyq. Aldaǵy ýaqytta nasıhattaý jumysyn ári qaraı jalǵastyrý kerek. Biz bilemiz, keıde barymyzdy kórsete almaımyz. Maqala shyqqan soń álemniń ár túkpirinen habarlasyp, mán-mańyzyna erekshe baǵa berdi. Saqalar «Qazaq baqytty halyq. Sebebi, tarıh qaıta jańǵyryp jatyr» dep aıtty. Qyrǵyzstannan da habarlasyp, búkil Orta Azııaǵa arnalǵan maqala dep esepteıitinin jetkizdi», - dedi «QazAqparat» halyqaralyq aqparat agenttiginiń bas dırektory Asqar Ýmarov.
Kezdesý kezinde «Qasıetti Qazaqstan» ǵylymı-zertteý ortalyǵynyń dırektory Berik Ábdiǵalı Alashordanyń 100 jyldyǵyna oraı ólketanýshy Bekarystan Myrzabaı, Saǵynaı Qusaıynov pen fılosofııa ǵylymdarynyń doktory, professor Amangeldi Aıtalyny estelik medalmen marapattady.
