Sarapshylar Dalal ıis sýynan zııandy zattar tappady
ASTANA. QazAqparat - Aqtaýda Shetpe aýyly mektebinde oqýshylar ýlanǵannan keıin «Dalal» ıis sýyna taǵaıyndalǵan saraptama nátıjesi daıyn boldy. Mańǵystaý oblysy tutynýshylar quqyqtaryn qorǵaý departamentinde zertteý nátıjelerin jarııa etti, dep habarlaıdy Lada.kz.
Ýlanǵan oqýshylardyń biriniń aǵasy Shetpe bazarynan satyp alǵan ıis sýdan zııandy zattar tabylmaǵan. Bul týraly oblystyq Tutynýshylar quqyqtaryn qorǵaý departamenti basshysynyń mindetin atqarýshy Rabıǵa Mılıbaeva habarlady.
«Keshe biz Astanadaǵy ulttyq saraptama ortalyǵynan «Dalal» ıis sýyn zerthanalyq zertteýin aldyq. «Mamandar odan ýly zattar tappady. Iis sýdan ýlaný rastalmady»», - dedi Rabıǵa Mılıbaeva.
Epıdemıologtar balalardyń ózderin nashar sezinýin álsireýden bolýy yqtımal dep otyr. «Bárinen buryn nashar seziný oqýshylar aǵzalarynyń jalpy álsireýinen týyndaýy múmkin. Synyp ishi jeldetilmegendikten aýa tarylyp, sonyń saldarynan balalarǵa jaman áser etken bolýy múmkin», - dedi departament mamany Álııa Jumajanova.
Esterińizge sala ketsek, Mańǵystaý aýdanynda oqý úderisi kezinde ıis sý qoldanǵannan keıin alty oqýshy arýhanaǵa túsken bolatyn. Shetpe aýylynyń prokýratýrasynyń talap etýi boıynsha ıis sý saraptamaǵa jiberilgen edi.
