Sarapshylar baǵasy qymbattaıdy degen taýarlardy anyqtady - Bıshimbaev
ASTANA. QazAqparat - Ulttyq ekonomıka mınıstri Qýandyq Bıshimbaevtyń aıtýynsha, jaqynda sarapshylar baǵasy qymbattaıdy degen taýarlardy anyqtady, dep xabarlaıdy QazAqparat tilshisi.
"Áleýmettik mańyzy bar 33 taýardyń 6-aýynyń baǵasy óskeni baıqalady. Olar - shaı, jumyrtqa, jarma, bıdaı nany, qant pen taýyq eti. Qazirgi kezde jergilikti bılik organdary turaqtandyrý qorlaryn paıdalanyp, tıisti ınterventsııalardy (aqsha men taýardy naryqqa shyǵarý - avt.) jasap jatyr. Ákimdikter osy jumysty belsendi túrde júrgizip, baǵanyń negizsiz kóterilýine jol bermeýi tıis", - dedi Q.Bıshimbaev Úkimettiń búgingi otyrysynda.
Mınıstrdiń aıtýynsha, sońǵy jartyjyldyń ishinde tarıfterdi kóterýge qatysty birde-bir ótinim túsken joq. Jyldyń basynda monopolıstrdiń tarapynan ondaı ótinishter túsetin bolsa, mınıstrlik sonyń barlyǵyn tıisti tártip boıynsha qaraıtyn bolady.
