Sarapshylar: Aldaǵy birneshe jylda munaı baǵasy edáýir arzandaýy múmkin
ASTANA. 9 qańtar. QazAqparat - Sarapshylardyń bojamyna qaraǵanda, aldaǵy birneshe jylda álemdik naryqta munaıdy usynýshylardyń kóbeıýinen «qara altyn» baǵasy edáýir arzandaýy múmkin, dep habarlady RBK.
Máselen, AQSh energetıka mınıstrliginiń ókilderi 2013 jyldyń qortyndysy boıynsha Brent munaıynyń barreli 105 dollar, al 2014 jyly - 99 dollarǵa tómendeýi múmkin degendi aıtady, 2012 jyldyń qortyndysy boıynsha munaıdyń osy túriniń barreli ortashva alǵanda 112 dollardy quraǵan.
Sonymen birge, amerıkandyq Global Hunter Securities (GHS) ınvestıtsııalyq kompanııasynyń ókilderi 2013 jyldyń qorytyndysymen WTI (Light Sweet) munaıynyń baǵasy barreline 85 dollarǵa deıin, al 2014 jyldyń qorytyndysymen 80 dollarǵa deıin arzandaıdy degen boljam aıtady.
GHS ókilderiniń pikirinshe, eger OPEK elderi bul kezge deıin munaı óndirý kólemin kúnine 2,5 mln. barrelge deıin qysqartý jóninde sharalar almasa, WTI munaıynyń baǵasy 2015-2017 jyldary barreline 82 dollardan aspaıdy.
Eske sala keteıik, 2013 jylǵy 2 qańtardaǵy saýda qorytyndysymen London bırjasynda Brent munaıynyń resmı baǵasy úsh aıdaǵy eń joǵary kórsetkish - barreli 112,47 dollarǵa jetti. Al Nıý-Iorktegi NYMEX bırjasynda WTI (Light Sweet) munaıynyń baǵasy 2013 jylǵy 7 qańtardaǵy saýdada 93,19 barr/dollardy qurady.
