Sarapshylar AQSh-ta munaı óndirý artady dep boljap otyr

HЬıÝSTON. QazAqparat – Beısenbi kúni Eýropalyq odaq Reseı munaıynyń ımportyna kezeń-kezeńimen tyıym salýy múmkin degen jańalyqtardyń jarııalanýyna baılanysty jáne demalys kúnderdiń qarsańynda munaı baǵasy qymbattady, dep habarlaıdy QazAqparat menshikti tilshisi Reuters-ke silteme jasap.

Beısenbi kúni Brent markaly munaı fıýchersteri 2,92 dollarǵa nemese 2,68%-ǵa ósip, barreli 111,70 dollarǵa jetti. AQSh-tyń WTI munaı fıýchersteri 2,70 dollarǵa nemese 2,59%-ǵa kóterilip, barreli 106,95 dollar deńgeıinde boldy.

Bul - sáýir aıynyń basynan bastap eki kelisimsharttyń alǵashqy aptalyq ósimi. Birneshe apta boıy baǵalar 2020 jyldyń maýsymynan keıin alǵash ret qubylmaly bolyp otyr.

«Kezeń-kezeńmen salynǵan tyıym eýropalyq satyp alýshylardy balama kózderdi izdeýge májbúr etedi, olardyń bir bóligi jaqyn bolashaqta strategııalyq munaı qoryn paıdalana bastaıdy. Biraq bolashaqta jer astynan kóbirek jetkizý qajet bolady», - dedi Lipow Oil Associates-ten Endrıý Lıpoý Hıýstonda.

Agenttiktiń habarlaýynsha, álemdegi eń iri saýda úıleri kelesi aıda memleket baqylaıtyn reseılik munaı kompanııalarynan munaı men otyn satyp alýdy azaıtýdy josparlap otyr.