Sarapshylar 2015 jyly saıahattap barýǵa bolatyn qalalar tizimin jasady
ASTANA. QazAqparat - «Lonely Planet» basylymy birneshe talaptardy eskere otyryp, 2015 jyly saıahattaýǵa bolatyn 10 qalanyń tizimin jasady. Іriktelgen qalalar kóshin AQSh astanasy bastap tur. Sarapshylardyń pikirinshe, Vashıngton týrıster úshin 2015 jyly álemdegi eń qyzyqty qala bolmaq.
«LP»-nyń top paraqshasyna engen 10 qalanyń tizimi mynadaı: 1.Vashıngton (AQSh) 2. El-Chalten (Argentına) 3. Mılan (Italııa) 4. Tsermatt (Shveıtsarııa) 5. Valletta (Malta) 6. Plovdıv (Bolgarııa) 7. Salısberı (Velıkobrıtanııa) 8. Vena (Avstrııa) 9. Chennaı (Indııa) 10. Toronto (Kanada). Úzdik qalany tańdaýda erekshe bir talap qoıylmaǵan, oǵan sol jyly ótetin túrli sharalar da sebep bola alǵan. Mysaly, Vashıngtondy murajaı sanynyń kóptigi men santúrli gastronomııa úshin tańdasa, Kanadanyń Toronto qalasy 2015 jyly ótetin «Pan American Games» oıyndaryna baılanysty irikteýden ótken.
