Sarapshy: Jemqorlyqqa qarsy reformany «Tsıfrlyq Qazaqstanmen» ushtastyrý kerek

NUR-SULTAN. QazAqparat - Qazaqstan Prezıdenti Qasym-Jomart Toqaev daıarlaýdy tapsyrǵan jemqorlyqqa qarsy reformalar toptamasyn «Tsıfrlyq Qazaqstan» baǵdarlamasymen ushtastyrý kerek. Mundaı oıdy QR Prezıdenti janyndaǵy Memlekettik basqarý akademııasynyń aqparattyq tehnologııalardy damytý jónindegi vıtse-rektory Álııa Muhamedjanova aıtty, dep habarlaıdy QazAqparat tilshisi.

«Prezıdent Qasym-Jomart Toqaevtyń ulyqtaý rásiminde ataǵan 10 baǵyty qoǵamda birshama talqylanyp jatyr. Men osy baǵyttardyń birine erekshe toqtalyp ótsem dep edim. 10 baǵyttyń ishinde sybaılas jemqorlyqqa qarsy baǵdarlamany erekshe atap ótkim keledi. Akademııada tsıfrlandyrý máselesimen aınalysqandyqtan, meniń oıymsha, sybaılas jemqorlyqqa qarsy baǵdarlamany «Tsıfrlyq Qazaqstan» baǵdarlamasymen ushtastyrý kerek. Óıtkeni, Estonııa, Grýzııa sekildi elderdiń tájirıbesin zertteıtin bolsaq, jemqorlyqty eńseretin birden-bir faktor - deldaldardyń joǵalýy ekenin ańǵaramyz. Elektrondy úkimettiń damýy, onlaın-qyzmetter men úzdik telekommýnıkatsııalyq qurylǵylar, adamı kapıtal - osynyń bári «Tsıfrlyq Qazaqstan» baǵdarlamasyna keń aýqymda engizilip qoıǵan. Osy eki baǵdarlamany ushtastyra bilsek, naǵyz sınergııalyq nátıjege qol jetkizerimiz anyq», - dedi Álııa Muhamedjanova Qazaqstan strategııalyq zertteýler ınstıtýtynyń uıymdastyrýymen elordada ótken «Prezıdent Q.K.Toqaevtyń 10 mindeti: el damýynyń jańa deńgeıi» atty dóńgelek ústelde.

Eske sala ketsek, Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev 1 qyrkúıekke deıin jemqorlyqqa qarsy reformalar toptamasy daıyndalatynyn málim etken edi.

«Jemqorlyq - memlekettiń damýyn tejeıtin kesel. Bul - qoǵamdaǵy ózara senimge, jalpy memleketimizdiń qaýipsizdigine qater tóndiretin qubylys. Sybaılas jemqorlyqqa qarsy júıeli jumys júrgizemiz», - dedi Memleket basshysy.

Foto: www.apa.kz