Sarapshy: Ulttyq keńes «halyq únine qulaq asatyn memleket» qaǵıdatynyń iske asyp jatqanyn kórsetip otyr

NUR-SULTAN. QazAqparat – Ulttyq keńestiń jumysy «halyqqa qulaq asatyn memleket» qaǵıdatynyń iske asyp jatqanyn kórsetip otyr. QR Tuńǵysh Prezıdenti - Elbasy kitaphanasy Geosaıasat jáne óńirlik zertteýler qyzmetiniń basshysy Qazbek Maıgeldınov Ulttyq qoǵamdyq senim keńesiniń 2-otyrysynda kóterilgen usynystarǵa qatysty osyndaı pikir bildirdi, dep habarlaıdy QazAqparat tilshisi.

«Jalpy, Ulttyq keńestiń ekinshi otyrysy birinshisinen qaraǵanda birshama salmaqty usynysymen erekshelenip otyr. Úsh aıdyń ishinde keńes músheleri kótergen máseleleler tóńireginde Prezıdent naqty tapsyrmalardy bergen bolatyn. Máselen, alǵashqy otyrysta saıası bloktyń quramyndaǵy Aıdos Sarym bes zańǵa ózgeris engizý boıynsha bastama kótergen edi. Onyń ishindegi qaı-qaısynyń da mıtıngiler týraly zań, saıası partııalar men saılaý týraly zańnyń da salmaǵy barshylyq. Búgingi ekinshi otyrysta Prezıdenttiń ózi saıası partııalardyń múshelerin tirkeýdi 40 myńnan 20 myńǵa azaıtý týraly usynys jasady. Bul – jalpy eldegi kóppartııaly júıeni damytý, sonymen qatar saıası plıýralızm máselesi turǵysynda eń mańyzdy qadamdardyń biri dep esepteımin», - dedi sarapshy.

Onyń aıtýyna qaraǵanda, otyrys barysynda qoǵamdaǵy túıtkildi máseleleler boıynsha ózge de mańyzdy usynystar túsip, sheshimder qabyldanǵan.

«Aýyl sharýashylyǵy telimderin tıisti paıdalanýǵa baılanysty kelesi jyldyń 1 mamyryna deıin pılottyq joba retinde kosmomonıtorıng qoldaný usynyldy. Sonymen qatar, sheteldik jumysshylarǵa bólinetin kvotalardy 40 paıyzǵa azaıtý týraly usynys boldy. Bul ózgeris otandyq jumysshylardyń quqyqtaryn teńestirýde birden-bir ońtaıly sheshim dep esepteımin. Sondaı-aq, kópbalaly analarǵa bólinetin áleýmettik kómekterdi bala sany boıynsha berý týraly naqty sheshim jasaldy. Sonymen qosa, ekonomıkalyq salada Ulttyq bank tarapynan ulttyq valıýtaǵa baǵamdaryn tikeleı kórsetý nemese Esep komıtetiniń 1 qańtardan bastap memorgandarǵa jasalǵan aýdıt nátıjesin ashyq portaldarda jarııalaý – memlekettiń ashyqtyq saıasatynyń kórinisi deýge bolady», - dedi ol.

Qazbek Maıgeldınov aıtýynsha, Ulttyq keńestiń jumysy qazirgi tańda «halyq únine qulaq asatyn memleket» qaǵıdatynyń iske asyp jatqanyn kórsetip otyr.

«Qazirgi tańda qoǵam tarapynan talaptar kúrt ósip ketti. Sonymen birge, qoǵamnyń memlekettik bılikti qoldaýy turǵysynda suraqtar paıda bola bastady. Osy máseleniń sheshimin tabý úshin Ulttyq keńes qurylǵanyn bilesiz. Endigi kezekte úsh aıdyń ishinde bul keńestiń ómirsheńdigin kórip otyrmyz. ıAǵnı, usynylǵan máseleler birtindep sheshimin taýyp jatyr», - dedi ol.

Eske sala ketsek, búgin Ulttyq qoǵamdyq senim keńesiniń 2-otyrysy ótip, onda QR Prezıdenti Qasym-Jomart Toqaev sóz sóıledi.