Sarapshy: Ulttyq aza tutý kúni – halyqtyń birikken kúni
«Qasym-Jomart Kemeluly qaıtys bolǵandardyń jaqyndary men týystaryna kóńil aıta otyryp, bul júzdegen otbasynyń qasireti ekenine toqtaldy. Sondyqtan Memleket basshysy 13 shildeni Ulttyq aza kútý kúni dep jarııalady. Bul – adamgershiliktiń eń joǵary úlgisi jáne pandemııa qurbany bolǵan qazaqstandyqtarǵa kórsetilgen qurmet. Kúndelikti aýyr naýqastar men qaıtys bolǵandar týraly sońǵy kezdegi esepter ishinen tanystarymyzdyń, dostarymyzdyń jáne týystarymyzdyń esimderin estidik», - deıdi sarapshy.
Kóńil aıtý sózderimen qatar Prezıdent barshamyzdy halqymyzdyń basyna túsken synaqtar aldynda qaısarlyqqa, sabyrlylyqqa, jaýapkershilik tanytýǵa shaqyrdy.
«Qazir búkil álem men bizdiń elimiz qaskóı, qatygez, mán berilmegen jaýymen alapat soǵysty bastan ótkerýde. Elimizde Ulttyq aza tutý kúni, qazaqstandyqtar bir sát únsizdik saqtap, Elbasy jáne Memleket basshysymen birge koronovırýstyq pandemııa qurbandaryna qurmet kórsetti. Osy syn saǵattarda soǵys týraly jattandy óleń joldary eske túsedi. «Adamdar, júrekteriń soǵyp turǵanda – Eske saqtańdar! Óz ánińdi, áýendete shyrqaǵan kezde, kelmeske ketkenderdi saqtaǵyn este, ótinemin saqtaǵyn este!» Osy óleńde – «Bul úshin ólmeý kerek...Bul degen tiri bolý!» degen joldar bar», - deıdi Z. Sháýkenova.
QSZI basshysy Ulttyq aza kútý kúniniń kelmeske ketkenderdi joqtaý ǵana emes, halyqtyń birliginiń, olardyń rýhynyń, aýrýdyń taralýyn toqtatýǵa degen sheshiminiń bekigen kúni ekenin, óz armandaryn, josparlaryn, ómirlerin osy úshin qıǵandardy eske alý kúni ekenin jetkizdi.
«Pandemııa – adamzattyń san ǵasyrlyq tarıhynda oryn alyp turatyn apattar. Ár kezeńde búkil álem, memleketter men adamdar ómirge, bolashaq úshin kúresýge, medıtsınaǵa, ǵylymnyń jetistikterine súıene otyryp, jeńiske degen senimniń arqasynda qorqynyshty indetterdi jeńgen. Prezıdentimiz aıtqandaı, biz jeńiske jetemiz», - dedi Zarema Sháýkenova.
