Sarapshy: Tolyqqandy naryqtyq qatynastardy qurý fılosofııasy - Joldaýdy júzege asyrýdyń negizgi mindeti
ASTANA. QazAqparat - Tolyqqandy naryqtyq qatynastardy qurý fılosofııasy - Joldaýdy júzege asyrýdyń negizgi mindeti. Bul týraly búgin Ortalyq kommýnıkatsııalar qyzmetiniń baspasóz máslıhatynda «Saıasattanyshýlar kongresi» QB basqarma tóraǵasy Arman Eshmuratov málim etti.
Onyń oıynsha, Joldaýdyń basty múddesi men kózdegeni - elde tolyqqandy naryqtyq qatynastardyń qalyptasýyn qamtamasyz etý. Ondaǵy bankrottyq úderisterdi jeńildetý men jekeshelendirýdiń ekinshi tolqynyna ınvestıtsııalar tartý jónindegi tapsyrmalar osynyń aıǵaǵy.
«Qazir Jekeshelendirý baǵdarlamasy qabyldandy. Ekonomıkadaǵy kvazımemlekettik sektordy qaıta qurý mindeti qoıyldy. Memlekettiń úlesi bar kásiporyndardy jeke menshikke ótkizý tolyqqandy naryqtyq qatynastardy qurýǵa septigin tıgizedi», - dedi A. Eshmuratov. Onyń oıynsha, jeke menshikke memlekettik kásiporyndardy berý arqyly Qazaqstan álemdik qaýip-qaterlerge jedel jaýap qatýǵa múmkindik bermek.
«Kez kelgen daǵdarystan shyǵýdyń negizgi joly - jańa múmkindikter izdeý. Táýelsizdik jyldaryndaǵy tarıhymyzdy alatyn bolsaq, bizdiń memleket alapat daǵdarys barysynda paıda boldy. Biz odan aman-esen shyǵyp qana qoımaı, damýdyń basty basymdyqtaryn da taptyq. Qazirgi daǵdarys 90-shy jyldary bolǵan daǵdarysqa qaraǵanda, túk te emes. Ol kezde adamdarda qalaı ómir súretindigin bilgen de joq. Búgin biz naryqtyq qatynastardy damytyp jatyrmyz. Daǵdarys - júıeli ári zańdy qubylys. Tolyqqandy naryqtyq qatynastardy qurý fılosofııasy - Joldaýdy júzege asyrýdyń negizgi mindeti», - dep atap ótti ol.
