Sarapshy: Tarıftiń ósýi - qalypty protsess

NUR-SULTAN. QazAqparat – «Almaty» «Magıstraldyq gaz qubyry basqarmasy» birinshi orynbasary Aleksandr Tolstobrov gaz tarıfin kóterý jóninde pikir bildirdi, dep habarlaıdy QazAqparat tilshisi.

«Búgingi tańda ınfraqurylymdy jetildirýdiń basqa kózi joq. Eger «QazTransGaz» shetelge gazdy adam aıtqysyz baǵamen eksporttaı otyryp, kiris alatyn bolsa, onda búgingi kúni taratý jelilerin ustaý boıynsha úlken shyǵyndardy óteýge bolar edi. Ókinishke qaraı, gaz tasymaldaý júıesi eskirgenin bárimiz bilemiz», - dedi A. Tolstobrov.

Sarapshy gaz jelileriniń áleýmettik jobalar ekenin, oǵan memleket qarajat salýy kerektigin atap ótti.

«Biraq bul da bizdiń aqshamyz, sondyqtan taǵy bir nusqa – tarıfterdiń ósýi bolyp otyr. Gaz salasynda Qazaqstannyń azamattary jumys isteıdi, olar laıyqty jalaqy alýy tıis, oǵan qosa 4-5% mólsherinde ınflıatsııalyq protsester bar. Tarıftiń ósýi – ábden qalypty protsess, al monopolııaǵa qarsy komıtet aqshanyń maqsaty boıynsha ınfraqurylymdy ustaýǵa jumsalýyn qadaǵalaýy kerek. Ózimiz de qandaı da bir ozyq ádisterdi engizgimiz keledi, biraq bárine aqsha kerek. Sondyqtan, tarıftiń kóterilýine qalypty qaraý kerek», - deıdi A. Tolstobrov.

Buǵan deıin QR Energetıka mınıstrligi gazdyń kóterme saýda baǵasy 15%-ǵa qymbattaýy múmkin ekenin habarlaǵan edi.

Osyǵan deıin gazdyń kóterme saýda baǵasy 15%-ǵa qymbattaýy múmkin ekenin jazdyq.