Sarapshy «Spýtnık V» vaktsınasynyń tıimdiligine qatysty túsinik berdi

NUR-SULTAN. QazAqparat - QR Densaýlyq saqtaý mınıstrligi halyqty ımmýndaý jónindegi ulttyq konsýltatıvtik komıssııasynyń múshesi, medıtsına ǵylymdarynyń doktory, professor Jannat Satybaldıeva «Spýtnık V» vaktsınasynyń qaýipsizdigi men tıimdiligine qatysty pikir bildirdi, dep habarlaıdy QazAqparat tilshisi.

«Qazirgi kezde Qazaqstanda reseılik «Spýtnık V» vaktsınasyn kóptegen adamdar alyp jatyr. Ekpeden bolýy múmkin janama áserin monıtorıngileý kezinde jáne onyń tıimdiligin zertteý barysynda alynǵan málimetterdi eskere otyryp, osy vaktsınany engizý kezinde kúrdeli janama reaktsııalar baıqalmady», - dedi J. Satybaldıeva vaktsına taqyrybyna arnalǵan onlaın talqylaý barysynda.

Osy oraıda ǵalym Reseıdiń N.Gamaleıa atyndaǵy Epıdemıologııa jáne mıkrobıologııa ulttyq zertteý ortalyǵynyń dırektory Aleksandr Gıntsbýrgtiń málimdemesin dálel retinde keltirdi.

«Jaqynda ǵana telearnadan Aleksandr Gıntsbýrg málimdeme jasaǵan bolatyn. Onda ol atalǵan vaktsına boıynsha aýyr janama áserin tirkelmegenin aıtty. Sońǵy málimetter boıynsha vaktsına tıimdiligi týraly 97 paıyz deńgeıindegi kórsetkish jarııalandy. Bul óz kezeginde óte joǵary kórsetkish. Al AstraZeneca vaktsınasy 70 paıyz tıimdilikti berip otyr», - dedi prfessor.

Budan buryn habarlanǵandaı, Jannat Satybaldıeva Qazaqstanda vaktsınalardy tekserýge erekshe mán beriletinin aıtty.