Sarapshy: Saıası reformalar Qazaqstandy damytý jolyndaǵy qadamdardyń jalǵasy
ASTANA. QazAqparat - Saıası reformalar Qazaqstandy damytý jolyndaǵy qadamdardyń jalǵasy. QR Prezıdenti janyndaǵy Qazaqstan strategııalyq zertteýler ınstıtýtynyń ǵylymı qyzmetkeri Ámına Úrpekova osyndaı pikir bildirdi, dep habarlaıdy QazAqparat.
«Birinshi kezekte, biz barshamyz Táýelsiz Qazaqstannyń tarıhynda mańyzdy kezeńniń kýágeri bolyp otyrmyz. Memleket basshysynyń konstıtýtsııalyq reformalarǵa qatysty úndeýi elimizdi modernızatsııalaý jolynda mańyzdy ári aıtýly qadam bolyp otyrǵany sózsiz. Prezıdent jarııalaǵan reformalar áleýmettik-ekonomıkalyq jáne saıası turǵyda eldi jańǵyrtýdyń logıkalyq jalǵasy bolyp tabylady»,-dep toqtaldy sarapshy.
Onyń sózine qaraǵanda, Qazaqstan únemi modernızatsııalyq baǵytty qoldap keledi. Osy oraıda alǵa qoıylyp otyrǵan basty maqsat halyqtyń ál-aýqatyn kóterýge negizdelip otyr.
Budan buryn habarlanǵandaı, úndeý barysynda Elbasy Nursultan Nazarbaev Qazaqstanda Úkimetti jasaqtaýda Parlamenttiń róli kúsheıtiletinin málim etti.
