Sarapshy: Sadrıddın Ahmedov - jeńis úshin bárine daıyn ymyrasyz boksshy

NUR-SULTAN. QazAqparat – 21 jastaǵy jeńilip kórmegen qazaqstandyq boksshy Sadrıddın Ahmedov (9-0, 8 KO) kásipqoı bokstaǵy jeńisti jolyn jalǵastyrýda. Ol - jastar arasyndaǵy WBC tıtýlynyń jáne birinshi orta salmaqtaǵy WBC Asia belbeýiniń ıegeri.

Sports.kz portaly QR Kásipqoı boks federatsııasynyń vıtse-prezıdenti Vıktor Demıanenkodan jas boksshynyń kásibı biliktiligi, onyń Kanadadan Amerıkaǵa aýysýy kerek pe - sol jaıynda surap bilgen edi.

«Ahmedov maǵan óte unaıdy. Ol jeńis úshin bárine daıyn, sonymen qatar sanalýan jáne ymyrasyz sportshy. Ol tek alǵa umtylady, degenine jetý úshin tynymsyz eńbektenedi. Kanada men AQSh arasyndaǵy aıyrmashylyqty kórip turǵan joqpyn. AQSh-ta amerıkalyqtarmen judyryqtasady degen bos áńgime, ol Kanadada da solaı. Eki el kórshi ornalasqan, televıdenıe ortaq. Bir aıta ketetini – jas sportshy óz arnasyna túsip, kerek kezinde jarq etip kózge túsýi kerek. Biraq Ahmedovtyń boıynda bári bar, onyń maqsatqa umtylǵan daıyndyǵy aıqyn kórinip turady», - deıdi Vıktor Demıanenko.

Eske sala keteıik, Sadrıddın Ahmedov kanadalyq Tetfor Mıne qalasyndaǵy toǵyzynshy jekpe-jeginiń birinshi raýndynda meksıkalyq Denıel Vega Kotany (14-3-1, 11 KO) nokaýtqa jibergen bolatyn.