Sarapshy Prezıdent tapsyrmasy jaıynda: Tsıfrlandyrý – qazirgi jemqorlyq kórinisterdi joıý
«Tsıfrlandyrý, bul – eń aldymen memlekettik apparattaǵy da, bıznestegi de qazirgi jemqorlyq kórinisterdi joıý. Eger resýrstardy tsıfrlandyrý jaıynda aıtar bolsaq, onda derekterdi qurylymdaý sý jáne ózge de resýrstardy únemdeýge ári tıimdi paıdalanýǵa alyp keledi», - dedi QazAqparat tilshisine suhbat bergen sarapshy.
Onyń atap ótýinshe, zańnamalyq deńgeıde shynaıy quraldar ázirleý arqyly munyń bárin de júzege asyrýǵa bolady.
«Bul elimizdiń keleshekte óńirdegi resýrstardy tıimdi bólýde kóshbasshylyq orynǵa shyǵýyna múmkindik berip, tek el ishinde ǵana emes, sonymen birge elaralyq paıdalanýda da túsinik qalyptastyrýǵa jol ashady. Bul bolashaqta ónerkásip, aýyl sharýashylyǵy, tehnologııa sektorlaryndaǵa, jalpy ekonomıkadaǵy kórsetkishterge oń áserin tıgizedi», - dedi Baıram Azızov.
Esterińizge sala ketsek, VIII saılanǵan Parlamenttiń birinshi sessııasynyń ashylýynda Memleket basshysy Qasym-Jomart Toqaev tsıfrlandyrý memlekettik basqarý júıesiniń tıimdiliginde mańyzdy ról atqaratyndyǵyn, elektrondyq úkimettiń ınfraqurylymyn damytýmen qatar, bıliktiń ókildi tarmaǵyn odan ári tsıfrlandyrýǵa da nazar aýdarý qajettigin aıtqan bolatyn.
«Elektrondyq parlament pen barlyq deńgeıdegi máslıhattar qoǵamnyń bılikke degen senimin edáýir nyǵaıta alady. Júrgizilip jatqan reformalardyń nátıjeliliginiń negizgi sharttarynyń biri tolyq jáne senimdi derekterdiń bolýy bolyp esepteledi. Sapaly memlekettik qyzmet kórsetý úshin derekter qoryn ózara kiriktirý jáne «aqyldy tehnologııany» paıdalaný óte mańyzdy. Bul qadam qabyldanatyn sheshimderdiń sapasyn arttyrady», - degen edi Qasym-Jomart Toqaev.