Sarapshy pikiri: Qazaqstannyń konfessııaaralyq kelisim tájirıbesi Sırııa úshin paıdaly bolar edi
ASTANA. QazAqparat - Qazaqstannyń konfessııaaralyq kelisim tájirıbesi soǵystan keıingi Sırııa úshin paıdaly bolar edi. Bul pikirdi QazAqparattyń Bishkektegi arnaýly tilshisine «Shyǵys-Batys strategııasy» saraptamalyq ortalyǵynyń bas dırektory Dmıtrıı Orlov bildirdi.
«Qazaqstannyń túrli bitimgershilik mıssııalarǵa qatysýdaǵy oń tájirıbesi, onyń ishinde reseılik-túrkııalyq qarym-qatynasty retteýdegi araǵaıyndyǵy, sonymen birge Qazaqstannyń sırııalyq janjaldy beıbit jolmen sheshý boıynsha ustanymy Reseı, Túrkııa jáne Iran arasyndaǵy negizgi máselelerde qol jetkizilgen ortaq kózqarasty nyǵaıtyp, odan ary damyta túsýge óz septigin tıgizetin bolady», - dedi ol Qazaqstan astanasynda Sırııa máselesin retteý boıynsha kelissózderdiń kelesi kezeńin ótkizýge qatysty pikirin bildire kele.
Onyń paıymynsha, birinshi kezekte turǵan lańkestik uıymdarmen kúres mindetterimen qatar qazirdiń ózinen bastap soǵystan keıingi Sırııany odan ary damytýda sırııalyq bılik pen oppozıtsııa arasyndaǵy ózara qarym-qatynasty durys jolǵa qoıýǵa den qoıý qajet.
«Sırııada Bashar asad lańkestermen soǵys júrgizip jatsa da ol jaqta konfessııaaralyq kelisimniń de bar ekendigin eskerý qajet. Erte me, kesh pe, áıteýir bul baǵytta da kelissózder júrgizýge týra keledi. Sırııa tarıhynda alavıtter men súnnıterdiń beıbit jaǵdaıda ómir súrgen kezderi de bolǵan. Degenmen, qazirgi jaǵdaıda dinı másele Sırııadaǵy turaqsyzdyqtyń tutandyrǵyshy da bola alady. Bul rette Qazaqstannyń konfessııaaralyq kelisim tájirıbesi soǵystan keıingi Sırııa úshin paıdaly bolar edi», - dedi Orlov.
Sonymen qatar sarapshy Sırııa máselesi boıynsha kelissózderdiń ótkizý merzimine qatysty da pikir bildirip, onyń 2017 jyldyń qańtar-aqpan aılarynda oryn alýy múmkin ekendigin aıtty.
«Sırııa boıynsha beıbit kelissózderdiń qajet ekendigi sózsiz. Bul rette kezdesýdiń nátıjeliligi kelissózder protsessine barlyq qatysýshylarǵa, onyń ishinde amerıkalyq tarapqa da baılanysty bolady. Degenmen, bul rette eń basty mynany túsiný qajet: qazir AQSh Memlekettik departamenti ne bolsa sony maquldaı alady. Biraq, munyń barlyǵy da Donald Tramp ulyqtalǵannan keıin ǵana mánge ıe. Sondyqtan kelissózderdi bastaýǵa barynsha ońtaıly data kelesi jyldyń qańtar aıynyń sońy nemese aqpan aıynyń basy», - dedi Orlov.
