Sarapshy: «Nur Otan» partııasy strategııalyq qujattary arqyly maqsattardy aıqyndaıdy
««Nur Otan» partııasynyń transformatsııasy saıası ınstıtýt retinde árdaıym partııalyq baǵdarlamalarda pash etiledi. Qoǵamdyq qozǵalys bazasynda «Nursultan Ábishuly Nazarbaevty Prezıdent úmitkerligine qoldaý qoǵamdyq shtaby» retinde 1999 qurylǵan partııa eldegi shynaıy jetekshi saıası kúsh bolýǵa baryn saldy», - deıdi sarapshy.
Madına Nurǵalıevanyń aıtýyna qaraǵanda, 20 jyl boıy «Nur Otan» partııasynyń baǵdarlamasynda qaǵıdatqa berik tártip boıynsha ózgeriske ushyramaǵan birqatar erekshelik bar.
«Birinshisi - Prezıdent N.Á.Nazarbaevtyń saıası, áleýmettik jáne ekonomıkalyq bastamalaryn qoldaý jáne sol boıynsha jumysty retteý qaǵıdaty. Bunyń sebebi de túsinikti, óıtkeni Memleket basshysy partııanyń kóshbasshysy. Ekinshiden, partııa óz jumysynda Qazaqstandaǵy aýqymdy áleýmettik toptardyń - jastar men zeınetkerlerdiń, bıýdjet qyzmetkerleri men ShOB ókilderin, taǵy sol sekildi barlyq salany qamtýǵa kúsh saldy. Partııanyń elektoraty aıtarlyqtaı aýqymdy. Maqsatty aýdıtorııasy - ártúrli. Úshinshiden, partııanyń basty basymdyǵy - ortalyqtandyrý. Bul baǵyt partııany turaqtylyq pen senimdiliktiń sımvoly retinde polıarlyq ustanymdardan, radıkaldy áreketterden saq bolýǵa úndeıdi», - deıdi sarapshy.
Madına Nurǵalıeva óz sózinde partııa men onyń qujattarynyń ereksheligi - áleýmettik baǵyt, zamanaýı qoǵamdyq-saıası protsesterdi úılestirý ekenin aıtady.
«Esińizde bolsa, 2013 jyly «Nur Otan» halyqtyq-demokratııalyq partııadan «Nur Otan» partııasy bolyp ózgertirlennen soń qabyldanǵan partııa Doktrınasy «Nurly bolashaq jolynda» dep atalǵan edi. Al saılaýaldy baǵdarlama 2016 jyly «Birlik. Turaqtylyq. Jarqyn bolashaq» dep atalǵan. Basqasha aıtqanda, partııa óziniń strategııalyq qujattary arqyly shynaıy maqsattary men josparlaryn aıqyndaıdy», - deıdi sarapshy.
