Sarapshy «Nur Otan» partııasy qalaı jetilgenin aıtyp berdi

ASTANA. QazAqparat - QR Tuńǵysh Prezıdenti janyndaǵy Áleýmettik ekonomıka jáne saıasat ınstıtýtynyń sarapshysy Radık Temirǵalıev «Nur Otan» partııasynyń qalaı jetilgenin qysqasha aıtyp berdi, dep habarlaıdy QazAqparat tilshisi.

«Ótken ǵasyrdyń toqsanynshy jyldarynyń ekinshi jartysynda Memleket basshysy úshin basty mindetterdiń biri - óz jaqtastaryn biriktirý boldy. Ol kezde Qazaqstan Halqynyń Birlik partııasy, Qazaqstannyń lıberaldy qozǵalysy, «Qazaqstan-2030» úshin» qozǵalysy, Ádilet partııasy, Halyqtyq-kooperatıvti partııa, Respýblıkalyq saıası eńbek partııasy sekildi birqatar qozǵalystar bar edi. Osylaısha, daǵdarys jyldary saıası elıtanyń bytyrańqylyǵy aıqyn seziletin», - deıdi sarapshy.

Radık Temirǵalıevtiń aıtýynsha, 1999 jyly qurylǵan «Otan» partııasy qysqa ýaqyttyń ishinde osy partııalar men qozǵalystardyń barlyǵyn biriktirip, Memleket basshysynyń jaqtastaryn shoǵyrlandyra bilgen.

«1999 jáne 2004 jylǵy Májilis saılaýy kezinde partııa qurylý jolynan ótti. 2006 jyly «Asar», «Azamattyq partııa», «Agrarlyq partııa» men «Nur Otan» partııasy birikkennen keıin sońǵysy eldegi jetekshi saıası kúshke aınalǵan. Sózsiz, partııanyń jedel ósimi men bekem bola túsýine eń aldymen Memleket basshysynyń abyroıy sebep boldy. Memleket basshysynyń elektoraty partııa elektoratyna aınaldy. 2006 jyly «Nur Otan» dep atalǵan partııa osylaısha alǵa qadam basa berdi. Sonymen birge, qazaqstandyqtardyń basym kópshiligi ońǵa nemese solǵa qatty burylys jasaýdan góri tsentrıstik ıdeologııany qosh kóretini kórinýde», - deıdi sarapshy.