Sarapshy Nazarbaev syılyǵy jeńimpazdary qalaı iriktelgenin aıtty

NUR-SULTAN. QazAqparat - «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» taǵaıyndaý jónindegi komıtettiń múshesi Franko Frattını jeńimpazdar qalaı iriktelgenin aıtty, dep habarlaıdy QazAqparat tilshisi.

«Syılyq taǵaıyndaý jónindegi komıtet laýreattardy iriktep aldy. Onyń nátıjesi sál keıin habarlanady. Syılyqqa ıe bolǵandardyń bári – búkil ómirin ıadrolyq qarýsyz álem men jahandaǵy qaýipsizdik úshin kúreske arnaǵan adamdar. ıAǵnı, olar el aldyna sóıleý úshin ǵana shyqpaı, óz jetistikterin isterimen dáleldep júrgen QR Turǵysh Prezıdenti-Elbasy Nursultan Nazarbaev sııaqty tulǵalar. Ol kisi óz qyzmetinde jahandyq qaýipsizdiktiń eń basty mıssııasy ıadrolyq qarýsyz álem ekenin kórsetti», - dedi komıtet múshesi.

Onyń aıtýynsha, Nazarbaev syılyǵyna álemde aty tanymal ondaǵan adam úmitker bolǵan.

«Komıtettiń qaraýyna 13-14 kandıdattyń tizimi túsken. Sonyń ishinen Nazarbaev syılyǵyna barynsha laıyq adamdar irikteldi. Úmitkerlerdiń túıindemeleri men buǵan deıin jahandyq qaýipsizdik salasynda jetken jetistikterin taldadyq. Italııanyń burynǵy Syrtqy ister mınıstri, Eýrokomıssııa tóraǵasynyń burynǵy orynbasary retinde bul syılyqty halyqaralyq ózge de bedeldi marapattarmen salystyra taldap, qaraǵanymyzdy aıtqym keledi», - dep atap ótti Franko Frattını.