Sarapshy memorgandar qyzmetine qatysty: Tikeleı halyqpen jumys isteý kerek
«Prezıdent óz úndeýinde memlekettik organdardyń jumysyndaǵy olqylyqtar týraly aıtty. Osy tusta ortalyq jáne jergilikti quzyrly organdardyń basshylary halyqpen jaqyndyǵy jetispeıtin sekildi. Degenmen quzyrly organdardyń jumysyn joqqa shyǵarýǵa bolmaıdy. Tek jurtshylyqty aqparattandyrý jaǵy jetispeıdi, osyǵan mán berý kerek. Memlekettik organ basshylary men ákimder aýdan, aýyldy aralap, jurtpen júzdesip, tikeleı halyqpen jumys isteý kerek. Sol sııaqty Qasym-Jomart Toqaev memlekettik basqarý salasyn qaıta reformalaý kerektigine toqtala kele, onyń merıtokratııa prıntsıpine negizdelý kerektigin aıtty. Osy oraıda merıtokratııa prıntsıpiniń ne ekenin bılik te, halyq ta durys túsine bilý kerek. Merıtokratııa bul bir jerde uzaq jyldar boıy jumys isteý degendi bildirmeıdi, merıtokratııa bilimdi, daǵdysy bar, qabiletti azamattardyń bılik basyna kelýi dep Memleket basshysy naqtylap ketti», - dedi Indıra Rystına.
Sarapshynyń aıtýynsha, memlekettik qyzmet salasynda mamannyń qansha ýaqyt jumys istegeni emes, qalaı jumys isteı alatyndyǵyna mán berilýi tıis.
«Memleket basshysy erekshe toqtalǵan taǵy bir jaıt - eldegi baı men kedeı arajiginiń alshaqtyǵy. Baılar tabysynyń bilgili bir bóligin halyq ıgiligine jumsaǵany abzal dedi Prezıdent. Dástúrimizge qarasaq, tarıhtan da belgili, baılar qara halyqqa únemi qamqor bolǵan. Bıznestiń de halyqty esten shyǵarmaǵany jón. Osy tusta Memleket basshysy usynǵan «Qazaqstan halqyna» atty qoǵamdyq áleýmettik qoryn qurýdy aıtýǵa bolady. Jalpy HHІ ǵasyrda ár sanaly azamat qoǵam aldyndaǵy jaýapkershilikti umytpaýy tıis», - deıdi ol.
