Sarapshy: Memleket pen qoǵamnyń ózara qatynas transformatsııasynyń qajettiligi pisip-jetildi
«Biz pedagogıkalyq qoǵamdastyq retinde Prezıdent Qasym-Jomart Toqaevtyń halyqqa úndeýi arqyly kóptegen áleýmettik problema sheshiledi dep oılaımyz. Osynaý qańtardyń qıyn-qystaý kúnderi memlekettik júıemizdiń – áskerı, quqyq qorǵaý jáne barlaý qurylymdary, jalpy bilim berý, azamattardyń qarjylyq qorǵalýy syndy máselelerdegi osal tustaryn kórsetip berdi», - dedi kolledj dırektory Prezıdenttiń taıaýda Májilistiń jalpy otyrysynda sóılegen sózine oraı pikir bildire kele.
Onyń atap ótýinshe, Qazaqstanda memleket pen qoǵam arasyndaǵy ózara qatynas transformatsııasynyń qajettiligi pisip-jetildi. Muny Memleket basshysy da reformalardy kórsetip otyr.
«Prezıdenttiń eldegi ahýaldy turaqtandyrýǵa baǵyttalǵan sheshimderin qoldaımyz. Shuǵyl qabyldanǵan is-sharalarsyz qarapaıym adamdar men memleket úshin jaǵdaıdyń munan ary qalaı órbýi múmkin ekendigin oılaýdyń ózi qıyn. Táýelsizdigimizdiń 30 jyly ishinde elimizde kóptegen dúnıe jasaldy. Shaǵyn jáne orta bızneske qoldaý kórsetilip, «Bolashaq» syndy bilim berý baǵdarlamasy, «Jastar tájirbesi» jobasy sátti júzege asyryldy. Álemdik naryqtaǵy kóshbasshy eldermen yntymaqtastyq jolǵa qoıyldy. Degenmen, kez kelgen memlekettegideı bizde de dál qazir sheshimin tabýy tıisti túrli sıpattaǵy problemalar da bar», - dedi ol.
Sonymen qatar kolledj dırektory Qazaqstan Prezıdenti úndeýlerinde muǵalim mártebesine únemi mán beretindigin jáne bul búkil qoǵam damýynyń mańyzdy faktory ekendigin basa aıtty.
«Mektepterdi materıaldyq turǵyda qanshalyqty jabdyqtasaq ta, jaqsy ustazsyz bilim sapasyn kóterý múmkin eken. Shyndyǵynda qazirgi ýaqytta mektepterde bilikti pedagogıkalyq kadrlardyń tapshylyǵy bar. Zamanaýı tálim-tárbıe derbes tańdaý jasaı alatyn ári qabyldanǵan sheshim úshin jaýapkershilik arqalaı alatyn, áleýmettik belsendilik tanytatyn, ózin ózi damytýǵa, rýhanı shyńdalýǵa yntaly «jańa úlgidegi» adamdy damytýǵa baǵdarlanýy tıis. Aldaǵy ýaqyttaǵy reformalardyń barlyǵy da qoǵamdy shoǵyrlandyrý jáne elimizde ilgeriletý úshin jasalady. Bizdiń ustanymyz durys. Biz elmen jáne Prezıdentpen birgemiz», - dedi Janserik Sáttar.
