Sarapshy Májilis saılaýynda saıası kvota ne úshin qajet ekenin túsindirdi
«Bul saılaý naýqanynyń mańyzdy ereksheligi - partııalyq tizimderdegi kvotanyń keńeıýi jáne depýtattyq mandattardy bólý kezinde kvotany esepke alý normasy. Bıyldan bastap Májilis saılaýynda partııalyq tizimge áıelder men jastardan bólek múgedektigi bar jandar da saıası úderisterge qol jetkizýde qıyndyqtardy bastan keshiretin áleýmettik sanat retinde engizilýi tıis. Kvotanyń keńeıýi saıası qatysýdaǵy teńdik qaǵıdattaryn jáne sheshimderdiń ınklıýzıvtiligin qamtamasyz etýge baǵyttalǵan. Alaıda, kvotalardy buryn shettetilgen toptardyń ókilderi tek osy toptardyń (áıelder, jastar jáne múgedektigi bar adamdar) múddelerin qorǵaıtyn mehanızm retinde qarastyrýǵa bolmaıdy. Saıası kvota taǵaıyndaýdyń maqsaty - pikirler plıýralızmin qamtamasyz etý, birjaqty kózqarasty joıý jáne ortaq ıgilik úshin sheshim qabyldaýda múmkindikter teńdigin qamtamasyz etý», - dep túsindirdi Gúlmıra Toqanova.
Sarapshy pikirinshe, Májilistegi depýtattyq mandattardy bólý kezinde kvotany esepke alý – saılaý protsesine engizilgen basty ári mańyzdy túzetýdiń biri.
«Kvotany esepke alý túsiniktemesi bolmasa, kvotanyń mán-maǵynasy joǵalatyn edi. Bul jerde burynǵy túzetýdiń qatelikteri eskerilgeni jaıly aıta ketý kerek. ıAǵnı áıelder men jastarǵa arnalǵan 30 paıyzdyq kvotanyń tek tizimderdi tirkeý kezinde ǵana júzege asyrylatyny engizildi. Osylaısha, partııalyq tizim boıynsha saılaýǵa qatysý kvotasy bıliktiń zań shyǵarýshy tarmaǵynda buryn ókildik etpegen qoǵamnyń toptary úshin saıası qatysý kvotasyna aınalady. Kvotaǵa múgedektigi bar aadamdardy engizý jáne Májilistegi depýtattyq mandattardy bólý kezinde kvotany esepke alý - azamattardyń zań shyǵarý protsesine qatysý múmkindikterin keńeıtýge jáne búkil qazaqstandyq qoǵamnyń múddelerin qorǵaýǵa arnalǵan. Kvota mehanızmin jetildirýdiń kelesi qadamy máslıhattardaǵy kvotany esepke alý normasy bolýy tıis», - dep túıindedi Gúlmıra Toqanova.
