Sarapshy: Máslıhat depýtattarynyń jańartý - aımaqtyq saıasatty tıimdi júrgizýdiń joly
Onyń oıynsha, Parlament Májilisi depýtattaryn saılaýy saıası partııalarǵa óz ıdeıalaryn jarııalaýǵa múmkinshilik beredi. Kelesi mańyzdy faktor - azamattardyń eldegi saıası ómirge aralasa alýy. Sonymen qatar memlekettiń ishinde saıası belsendilikti qamtamasyz etedi.
«Endigi kezekte osy parlamenttik saılaý-2016 naýqany aıasynda mańyzdy máselelerdiń biri - ol máslıhat depýtattaryn saılaý qatar ótýi. Biz Parlament Májilisi korpýsynyń jańarýyna, senim mandatyn ıe bolýyna óte úlken mán berýdemiz, biraq bul jerde atap ótetin taǵy bir nárse, máslıhat depýtattaryn saılaýǵa da mańyz bergen jón. Ne sebepten? Sebebi bul aımaqtyq elıtany jańartý jáne ol aýqymdy jańartý bolǵaly tur», - deıdi ol.
Onyń sózi boıynsha, saılaý - jańa adamdardyń kelýine úlken múmkinshilik.
«Sonymen qatar máslıhat depýtattarynyń jańartý - aımaqtyq saıasatty tıimdi júrgizýdiń joly. Bizde máslıhat depýtattary kóp jaǵdaıda aımaqtyq jaǵdaıdy óte jaqsy biledi. Ony sheshýdiń joldaryn jaqsy túsinedi. Endi aldaǵy saılaý naýqanynda máslıhattyń róline nelikten kóńil bólemiz. Sebebi bıyl, 2016 jyldyń basynan bastap qana, osy máslıhat jumysyna jańa ózgerister men erekshelikter endi. 2015 jyldyń sońynda, 5 ınstıtýtsıonaldy reformalar aıasynda birneshe zańdar qabyldanǵan bolatyn. Eń birinshi kezekte ol jergilikti polıtsııa jaıynda. Máslıhat jumysyndaǵy derbestik pen aýqymdy sharalardy júzege asyrý barysynda olar jergilikti polıtsııa basshylaryn bekitedi. Olarǵa ákim usynady, máslıhat depýtattary bekitedi. ıAǵnı, máslıhattyń róli qanshalyqty óskendigin kórip otyrmyz», - dep atap ótti A.Joldybalına.
Sarapshynyń málim etýinshe, máslıhat depýtattarynyń róli artqandyǵyn kórsetetin taǵy bir másele ol - Ult Josparyn júzege asyrýdyń «100 naqty qadamy» aıasynda jergilikti ózin-ózi basqarý damytýǵa baılanysty zań jobasy qaralýda.
«Oǵan sáıkes, bizde jergilikti ózin-ózi basqarýdyń aýmaqtyq keńesi paıda bolady. Sol keńesti qurý barysynda máslıhat depýtattary belsendi aralasady. Sondyqtan máslıhatqa jańa depýtattardyń kelýiniń ózektiligi óte joǵary», - dedi ol. 
