Sarapshy kútpegen jerden Golovkın men Charlonyń aıqasyn «belgiledi»

ASTANA. QazAqparat - Boxingscene.com jýrnalısi Stıven Edvards kelesi jyly qazaqstandyq boksshy Gennadıı Golovkın (38-1-1, 34 KO) nemese meksıkalyq  Saýl Alvares (50-1-2, 34 KO) amerıkalyq Djermall Charlomen (27-0, 21 KO) aıqasýy tıis dep esepteıdi. Bul týraly Sports.kz habarlady.

«Charlo «Kanelomen» nemese GGG-men aıqasqa laıyq. Kelesi jyly olar onymen kezdesýi tıis. Eger «Kanelo» belbeýdi bosatsa, bul  «jaltarý» bolyp sanalady. Dál qazir Charlo óte qaýipti, Golovkın men «Kanelo» onymen judyryqtasyp, táýekelge barmaıdy. Ázirge olar jaltaryp jatqan joq, biraq eger ondaı jaǵdaı bolyp jatsa, kelesi jyly ony moıyndaıtyndardyń alǵashqysy bolamyn», - dep jazdy avtor.

Eske salaıyq, budan buryn WBC Golovkın - Charlo elımınatoryn Alvarespen aıqasý quqyǵy úshin «sanktsııalaǵan» edi. Eki boksshy tarapynan da bul ıdeıa qoldaý tapqan joq.