Sarapshy qurylys salasynda bilikti mamandardyń nege az ekenin aıtty

NUR-SULTAN. QazAqparat - QR Bilim jáne ǵylym mınıstrliginiń janyndaǵy «Adal bilim» jobalyq keńsesiniń sarapshysy Lılııa Ispenbetova qurylys salasyndaǵy bilikti mamandardyń nege tapshy ekenin túsindirdi, dep habarlaıdy «QazAqparat»HAA tilshisi.

«Qurylys salasynda kadr jetispeýshiliginiń birneshe sebebi bar. Birinshiden, túlekter men qurylys kompanııalary arasynda júıeli baılanys ornatylmaǵan. Negizi bul másele bastaýy kolledjderdiń, joǵary oqý oryndarynyń qurylys kompanııalarymen ózara is-qımylyna táýeldi. Kóp jaǵdaıda ondaı memorandýmdar jasalmaıdy. Kásiporyndar da bolashaq kadrlarmen tikeleı jumys isteýge kóp kóńil bódmeıdi», - dedi Lılııa Ispenbetova Qazaqstan Qurylysshylar odaǵynyń otyrysynda.

Qurylys salasynda aılyqtyń árkelki bolýy da mamandardyń turaqtap qalýyna tosqaýyl kórinedi.

«Bul kórsetkish naryqtaǵy mamandardyń biliktiligi men sanyna tikeleı baılanysty. Úshinshi sebep jas kadrlardyń biliktiligimen baılanysty. Túlek óz bilimin is júzinde kórsetýi kerek. Al is júzinde qurylys kompanııalary daıyn maman retinde jumysqa qabyldaǵan jas mamandy qaıta daıarlaýǵa kóp ýaqyt jumsaıdy. Osyǵan baılanysty joǵary oqý oryndary men kolledjderge maman daıarlaý isinde qurylys kompanııalarymenqanattasyp áreket etý kerek», - dep qorytyndylady Lılııa Ispenbetova.