Sarapshy: Koronavırýsqa test 30-40% jaǵdaıda jalǵan nátıje kórsetýi múmkin
NUR-SULTAN. TASS - QazAqparat – Analızdiń durys alynbaýy saldarynan koronavırýqa test 30-40% jaǵdaıda durys nátıje kórsetpeýi múmkin. Bul týraly Reseı Densaýlyq saqtaý mınıstrliginiń shtattan tys bas pýlmonologi, Sechenovskıı ýnıversıtetiniń pýlmonologııa kafedrasynyń meńgerýshisi Sergeı Avdeev málimdedi, dep habarlaıdy QazAqparat TASS agenttigine silteme jasap.
Sondaı-aq, onyń aıtýynsha, ınfektsııaǵa shaldyqqan 95% adamnyń ınkýbatsııalyq kezeńi 2 kúnnen 6 kúnge sozylady.
«Biz test-júıesine esh kúmán keltirmeımiz. Tek tájirıbemizde testileýdiń jalǵan nátıje kórsetetin jaǵdaılary bolýy múmkin. Qanshalyqty jıi: shamamen 30-40% jaǵdaıda. Másele testileýdiń sapasynda emes, analızdi durys almaýda bolyp tur. Analız sapasyz alynsa, jalǵan nátıje kórsetýi múmkin», - dedi Avdeev RF Densaýlyq saqtaý mınıstrliginiń aldyńǵy qatarly sarapshylary qatysqan COVID-19-ǵa qatysty jıynda.
Sarapshy adamnan materıaldy alý ýaqyty da mańyzdy ekenin atap ótti. Sebebi aýrýdyń alǵashqy kezeńinde PTR-testiniń oń nátıje kórsetýi jıirek kezdesedi. Sonymen qatar, Avdeev taldaýdy qaıta tapsyrý týraly sheshimdi dáriger qabyldaýy kerek dep túsindirdi.
