Sarapshy: Qazaqstannyń saıası reformasy biregeı qubylys
«Reforma buǵan deıin Qazaqstan Prezıdenti aıtqan 5 ınstıtýttyq reformadan bastaý alady. El Prezıdentinen Parlament pen Úkimetke ótetin 40 ókilettik Memleket basshysynyń quzireti men quqyqtaryn shekteý esebinen atalǵan organdardyń basqarýy kúsheıetindigin bildiredi. Elbasynyń ózi osyndaı bastama kóterip otyr», - dedi sarapshy.
Onyń paıymynsha, bul memleketti basqarý júıesindegi ózgerister boıynsha barynsha tereń oılastyrǵan sheshim ekendigin kórsetedi.
«Prezıdenttiki durys. Bul qazaq qoǵamynyń eldi jańǵyrtý qajettiligindegi biregeı qubylysy. Ekinshi jaǵynan bul reforma júıeni damytýdyń qazirgi batystyq modeli standartyna tolyǵymen saı keledi. Nátıjesinde Qazaqstan saıası júıeniń zamanaýı progresıvti modeline ıe bolady», dedi Aram Safarıan.
Sarapshynyń pikirinshe, Qazaqstanda oryn alatyn ózgeristerdiń bir ǵana maqsaty bar. Ol - Qazaqstan Prezıdentiniń eldi álemniń damyǵan memleketteriniń qataryna qosý mindeti.
«Eger úlken ózgeristerdi qamtıtyn reformalar oryn alar bolsa, onda mindetter tabysty sheshiledi. Baýyrlas halyqqa jańa jeńister, tamasha jetistikter jáne elderińizde qazirgi ýaqytta oryn alyp jatqan zor ózgeristerge sáttilik tileımin», - dedi saıasattanýshy.
